اطلب الطلاق او لا

بنات انا عمري حاليا ٢٢ لكن قصتي بلشت من زمان كان عمري ١٦ وانا كنت احكي مع شب عالنت الله يغفرلي ويغفرلكن بعرف خطأ بس بوقتا كنت طايشة كتير وهيك صار المهم حبينا بعض وكان غيور كتير ف تركتو ورجعنا واجا خطبني واهلي رفضو لانو عايش بغير محافظة فرجعت تركتو لانو اصلا ماني مرتاحة معو وفجأة صار يطلعلي من كل مكان وين ما اروح وين ما اجي الاقي بوجهي وانا هون ماكان بدي ياه نهائيا المهم ضلينا عهالحالة والصراحة انا خفت كتير منو يقلي اذا حدا خطبك رح اقتلك واقتلو المهم صار يبعت لاخواتي البنات ويترجاهن يرجعونا وقلهن رح اخطبها واختي الكبيرة قالتلو تعا وتقدملها وانا ما كان بدي لانو عقليتو غير عقلي حتى اهلو غير عننا تماما حتى لهجتهن غير وما بفهما المهم من كتر الاصرار لاشهر قلت خلص هاد نصيبي لانو لاشهر عملت المستحيل لاخلص منو وماكان يطلع من حياتي المهم خطبنا وكل الخطبة وانا عم حاول افسخ وما قدرت لحد ما تم الزواج وخلال اول سنة رحت عند ابي وقلتلو بدي اتطلق وبهدلني مع انو ماعندي ولاد كان وقلي ما عنا بنات تتطلق وانا قلت عايشة وعايشة خليني اجيب ولد لعل وعسى المهم بعد سنتين من الزواج جبت ولد بس زوجي انسان منيح واب منيح بس مشكلتي معو انو صاير مهمل وكل ما يمر الوقت عم يصير اسوأ يعني بضل بروح ع رفقاتو عالسهرة كل يوم كل الوقت بالبيت ساكت لما بحكي كانو عم بحكي مع حالي ما بقلي كلمة حلوة ولا بيحضني الا اذا بدو شي. كل الوقت حاسة انو قاعدة عقلبو ووجودي زاعجو مثلا بكون عم احكيلو شي بصير يتنفخ او هيك يغمض عيونو ويتنفس وكانو خانقتو واسلوبو معي مافيو ولا ذرة احترام حتى بصرخ علي قدام اهلي صاير وخايفة لانو اذا رحت لجنب اهلو وبعيد عن اهلي شو رح يعمل فيني وكيف رح يعاملني وحاسة المكان مو مكاني وانو اذا تركتو رح ارتاح وحاسة انو خانقني كلشي اونلاين ممنوع رفقات ممنوع وبدو يعرف كلشي واذا ابني وقع ببهدلني وبقلي ما عم تنتبهي عليه واذا شو ماصار ببهدلني وانا ماعاد اتحمل شي بقلي جحشة وشي بقلي مزبلة ومبارح قلي ما بتفهمي انتي وبيعمل حركات كانو رح يضربني وبيهجم علي بس ما بيضربني والسبب مجرد ما حكا كلمة وانا رديت بس بطريقة هادية اقسم بالله ولا بستفزو وهو بعصب وبيهجم وانا بدي اتطلق بس حاسة حالي ببحيرة طين وكل مالي عم بغرق وماني عرفانة شو اعمل ابي عقلو صعب وهاد ما بطلق واذا اتطلقت يمكن اخسر ابني هو عمر سنة وشهرين وعم فكر اهرب عند اختي ع غير محافظة واطلب الطلاق من هنيك منشان ما كون لا جنب اهلي ولا هون بس كمان خايفة اتطلق وما اقدر ربي ابني واشتغل ووقف ع رجلي لحالي حاسة بضياع رهيب وماني مرتاحة ابدا ابدا وعطول حزينة ريحوني صبايا وانصحوني امانة لو انتو مكاني شو بتعملو