اختي اوديت فلنفرض انك لاتحبينه..
وهل كل البيوت بنيت على الحب؟
اكثر البيوت تبنى على الاحترام والتقدير
والتضحيات وهذا والحمد لله موجود بينك وبين زوجك..
مشكلتنا صرنا ننظر للحب على انه مايعرض في التلفاز
او يقرأ في الروايات..
اختي انتي ماشاء الله ملتزمه..ولم يجد عليك الشيطان
باباً يدخل اليك منه الا اقناعك انك لاتحبين زوجك..
اجمل مافيك انك انسانه منصفه وعارفه ان الخطأ منك..
لذلك لازم تلحقي على نفسك وتعالجينها بأسرع وقت..
بالآتي:
1- ان تقنعيها ان الحب الحقيقي هو الاحترام والتفاهم
بين الزوجين..وهذا الحب الدائم على المدى الطويل
وهذا ماتملكينه ولله الحمد..
2- كون المرأه تضمن حب الرجل وتقديره اعتقد انها هبه
عظيمه من الله يجب الحفاظ عليها..
وتخيلي لو كان الامر معكوساً انتي تعشقينه وهو لايلقي لك بالاً..
ولاتنسي ان كرامته عليه غاليه ولابد انه يحس بابتعادك عنه
فانتبهي..
3- تقولين كنت احبه ومازلتي تحبينه..لكن هناك امر طرأ عليك
جعلك تفكرين بهذه الطريقه اعتقد انه المقارنه بين حياتك وحياة
غيرك..
والدليل ذكرك للسفرات والرخاء المادي..
اختي كم منا تعيش في غنى وقصور وخدم..لكن والله العظيم
متعذبه تدور لزوجها حل ..
اما صاحب اسفار او صاحب علاقات محرمه..
او على اقل تقدير ماهو لمها مشغول يركض ورا الفلوس..
واذا بغى يرتاح ويعوض مافات من شبابه تزوج وحده تنسيه التعب..
اختي باختصار انتي بنعمه عظيمه ماراح تعرفين قدرها الا لافقدتيها..
الله لايجيب لك شر..ولايصيبك بما تكرهين..
خير الدنيا والآخره للمرأه بحسن تبعلها لزوجها لها اجر الصائم لايفطر
والقائم الليل لايفتر..
والمجاهد في سبيل الله !!!
سبحان الله كل هالاجر العظيم اللي عجزوا عنه اشد الرجال ..
تحصله المرأه وهي جالسه ببيتها بحسن العشره..
وش نبي بالدنيا اللي اليوم او بكرا نفارقها..
من اصبح منكم معافاً في بدنه آمناً في سربه مالكاً قوت
يومه فقد حيزت له الدنيا بحذافيرها..
او كما قال صلى الله عليه وسلم..
اختي لاتنكدين على نفسك وعلى زوجك الطيب الرائع..
اطردي ابليس اللعين من بيتك..
وتعلمي ممارسة الحب والعشق فكل شيء بالتعلم والتدرج
ممكن..
وتذكري الاجر والرضا اللي بتحصلينه من ربك..
الله يختم لنا ولك ولكل مسلمه برضاه وقبوله.

السعاده يا اختي مع شخص يحبني اكثر من اني احبه احس معه بالامان
يريحني ويدلعني وكل الي يقدر عليه يسويه
السعاده لا في مال ولا في سفرات ولا املاك وش فايده فله كبيره خاليه علي من الحب والحنان واحس انها مو لي حتى لو كانت لي
لا تفرطين بزوجك ولا تقصرين معه
لا تخلين ما يفوقك من الاوهام الا زاوجه عليك ترى مهما الرجل استحمل ما يرضى بكرامته
وذاك الوقت بتقولين انك تحبينه ويغلى عندك
الحب مو عند انسان يهينني ولا يحبني بس غني يا كثر الاغنيا الي في الدنيا فقراء ويحاسبون حساب الاغنياء
كل الي اقولك بادلي زوجك مشاعره ولا تحسسينه انك ما تحبينه وشوفي ميزاته واهمها انه يحبك الله لا يغير عليكم
وحافظي عليه قبل لا يدور على وحده تحبه
اعرف انا قاسيه معك لكن علشانك
اللله يوفقك ويحببك في زوجك ويجعله قره عينك

ومن قال لك ان أغلب البيوت قايمة على الحب ...
وين المودة والرحمة
أتوقع انك لو تركتيه بتكتشفين غلاه عندك وقيمته الحقيقية ... بس بعد ايش بعد ما تفرطين فيه

ومين ما يحب يشتري اللي في خاطره له ولأولاده ... مين ما يحب السفر والنزهات
بس اذا هالشيء ماتحقق ما نندب حضنا ونحس اننا محرومين وما نغمض أعيننا عن النعم اللي حولنا
كثير عاشو على الديون فترات من حياتهم .. بس حياتهم ماشية ...

أنا أشوف ان زوجك نعمة من الله رزقك اياها .. لا تفرطين فيه
وأنت بالتأكيد لا زلتي تحبينه لكنك ماتركزين على هذا الحب ... أنت تركزين على حالته المادية
كل اللي عليك انك ماتركزين على اللي ينقصك ... ركزي تفكيرك على اللي عندك وربي أنعم عليك به ...
فيه كتاب مهم لحالتك اقرأيه ...

الكتاب اسمه ( لن تراه حتى تؤمن به ) المؤلف رجل نسيت اسمه
لكنك ستجدين هذا الكتاب في مكتبة جرير

وفي قولك


و هذا ينطبق على المرأة ... الوحدة المفروض ما تتزوج الا اذا كانت قد مسؤلية
الزواج .... وعارفة وش بتقدم عليه من حياة
وزوج المستقبل هذا للي توها ما تزوجت ولها الاختيار ...
بس زوج المستقبل بالنسبة لك خلاص صار الان مو زوج المستقبل فقط بل زوج الحاضر ايضا
... وكان المفروض انك تحددين طلباتك قبل الزواج مو بعده ... لأنها مسؤلية أطفال واسرة

حياك الله اختي الكريمه ..
لاازيد على كلام الاخوات ... والاخت العامريه ماشاء الله ردها ممتاز..

اختي الحبيبه .. لاتدعي المسلسلات وماتبثه من سموم تهدم بيتك .. فهذه الامور تبثها الفضائيات ..اي شعورك بانك لاتحبين زوجك وان السعاده تنتظرك في مكان اخر ...

المظاهر .. السفر .. حب تملك مافي الاسواق ... كلها امور سطحيه لن تعوضك عن شعورك بان زوجك يحبك .. كم من زوجة تتقلب في النعم والمظاهر والسفريات .. ولكنها تجد جمود المشاعر والنكران من زوجها ..

صدقيني انك فقط تشعرين بالفراغ .. فاستغلي وقتك في اشيئاء مفيد ه ...
عزيزتي باختصار لو تركت زوجك .. فانها قد يتزوج من ثاني يوم بامراه لاينقصها شيء .. لكنك انت قد تبقين في بيت اهلك او في احسن الظروف قد تتزوجين برجل متزوج .. يجب ان تكوني منطقيه في تصورك للامور... زوجك الف امراه تتمناه ..

عزيزتي ..

من الان حاولي تحسني نظرتك للامور ..

وكما قالت العامريه . لاتلجاي الى المقارنه بينك وبين الاخرين ..
وعموما قد يكون هؤلاء الاخرين يحسدونك على حب زوجك لك ...

واصبري على زوجك وحالته الماديه .. فدوام الحال من المحال ولعل الله يرزقكم .

حبيبتي احمدي الله ان عندج ريال يحبج وبينج وبينه الأحترام ومثل ما قلتي ما يقصر معاج معناتها لو كان معاه ومقتدر ما بتحسين انج محتاجة بس الريال الله يعينه عليج بصراحة على فكرة يمكن دلعج زيادة وبيني وبينج انتي تحبينه بدليل قلتي انج حبيتيه قبل يمكن كثر السنوات حسستج بالملل بس واكيد انتي شويه مزاجية ماتحبين الروتين وتحبين التجدد
بيني وبينج ان بعمري ما شكيت لحد مشكلتي انا عكسج تماما لا وانضرب بعد وانا الحين جاعدة اكتب لج وهو يقولي سيري عنداهلج بس مطنشة لأنه محده بيوقف مع حرمة تبي تتطلق حتى لوكان طلبه :(