اطلب الطلاق ولااكمل معه

السلام عليكم ورحمته الله وبركاته
انا عمري24ومتزوجه وعمر زوجي31
ابي مشورتكم ابي اقوللكم كل شي وابي نصيحتكم
انازوجي طبعه شكاكا صار لنا6سنين وعندي3اولاد
طبعا شكه وصل اني مع خوياتي الله لايبلاككم
زوجي عديم ثقه بنفسه وبالي حواليه
انسان سليط لسان وايده طويله علي وعلى عيالي
وكلما عصب يجي يقولي حطي اغراضك ابي اوديك لاهلك ماابيك وانواع الشتايم لي ولاهي انا اشيل اغراضي ويوصلني نص الطريق واترجاه اني ارجع ويقولي تتسنعين ارجعك انا اترجاه بس عشان عيالي
وحتى لما يقول تتسنعين والله العظيم اني مافيني اغلاط اللي يقول سويه اسويه ادري انا خببله اني اسمع كلامه انا شخصيتي ضعيفه مره وع طول ابكي
بعض المرات يجي يحط مراجله علي مايقدر يواجه اللي تهاوش معهم شخصيته ضعيف ع الناس وع اهله ويتسلط علي تعبت منه
والله بعض المرات افكر اني اذبح نفسي
قبل امس جا اخوي من ابوي وسلمت عليه طبعا ببيت اختي تقابلنا المهم صورت اخوي وحطيته عرض بالواتس وجاني ياخذني من بيت اختي معصب منو هذا الرجال انتي ......وووووو قلت اخوي قال توه يجيك غلى اخوك اخوي هذا من ابوي وكانت ببينا مشاكل لما تتطلقت امي من ابوي بسبت امه
وهو مازال بششكه المهم قلت اذا انت واخوانك من امك وابوك تتهاوش معهم وهذا اخوي من ابوي حتى لو زعلت منه. امه سببت لنا مشاكل
وقلت له لاتتدخل بيني وبين اهلي هذا مايخصك مالك دخل
عاد يناظري ويقول شيلي اغراضك بكره اوديك لاهلك
انتووووووو.....ومن هالكلام
عادقلت خلص
قعدت الصبح وقال شيلي قشك العصر نمشي قلت طيب
دقيت ع امي وقلت لها شوفي اي حل حتى مواعيدي موعد الاعصاب فيني صرع وموعد الجلديهفبني ثعلبه بالراس والحين تبي تصير بحواجبي موراضي يوديني
لهم
والظهر قام يمد ايده علي وووجا العصر قالي امشي للسوق والله لبست عباتي ابي اغير جو انكتمت وينزل عيالي عند امه وعاد لما طلعنا من حارة اهله قالي تعرفين طريق الحفر المهم ماتكلمت وقمت اصيح وقالي تتسنعين قلت ايه ورجعنا تمشي بالسوق ورجعت لبتي وراح يجيب عيالي وظل ع نفسيته الخايسه
جا المغرب كلمتني امي عرفت اني باكيه وانه ظاربني دقت ع زوج اختي اللي هو اخوه واخوه الكبير وبلغتهم بكل سوالفه
كلموه اخوانه وجاني انتي مكلمه امك قلت ايه قال شيلي اغرضك والله ماتجلسين طبعا هو يرتعد وميت خوف وظل يلقني بالكلام انه الغلط كله عشان فلوس مو شك باخلاقي ولا ضرب المهم جا اخو وقلت مقصر معاي من كل شي وكل كلمه قالتها امي لك صح
المهم
جا عندي وقالي ليه ماقلتي نفس كلامك قلت دايم اسمع كلامك ومااستفدت شي والحين هو يقولي ليه ماتتكلمين معاي قلت شايله بخاطري عاد يقولي اذا تبين ورقتك انا ماني بايعك وشاريك قلت اللي شاري مايهييني كذا ويحترم مو مشاكل
الحين انا موقادره اكمل معاه احس طابت نفسي منه ودي اطلب الطلاق طاح من عيني كرهته ومابي اكمل معه وش تنصحوني ابي رايكم بدون تجريح واللي تتجرح بالكلام الله لايحللها ولا يوفقها