اطلب المساعدة ضروري

السلام عليكم ورحمة الله وبركاته ،،،

أهلا (مهيتاب) إزيك عاملة إيه 00 يا جميل ولا تزعلي ولا حاجة :26:
أولا: الحالة النفسية 00 ما تخليش حد يؤثر عليكي وإنتي حلوة وأمورة وقولي لهم أنا حلوة وهفضل حلوة 00 الموضوع بالإيحاء ليكي وللي شايفينك 00 إنت ست الستات يا جميل 00
ثانياً : قطعي بطاطس شرائح رفيعة مثل (الشيبس) وحطيها على عينيك الأثنين واسترخي واسمعي موسيقى وإوعي تتكلمي مع حد 00 وفكري في كل حاجة حلوة 00 زيي مثلا :17: وحاولي تهدي وكأنك هتنامي لمدة ربع ساعة كل يوم وكمان شرائح الخيار 00 وانتي هتلاقي النتيجة 00 يوم خيار ويوم بطاطس 00
ثالثاً : لصفاء العين كمادات شاي وتكون باردة (بس مش في الثلاجة) يعني في حرارة الغرفة العادية 00 وكمان تخليها ربع ساعة :27:
رابعاً : لحيوية الوجه بس دي على المدى الطويل شوية كلي (فراولة طازجة) كتير أوي على قد ما تقدري وعلى فكرة مش بتزيد الوزن 00
ملاحظة : قبل كل ده لازم تعملي فحوصات لأنه بعد الحمل والولادة الهرمونات بيحصل فيها تغيير ولازم تهتمي بصحتك التحاليل هتبين الفيتامينات الناقصة عندك وكتري أكل خضار طازج 00 وبعض التمارين اللي تساعد في تنشيط الدورة الدموية 00 نصيحة مني تسمعيها كويس وتنفزيها 00 إوعي تسمعي كلام الناس اللي يقول لك وجهك باهت يعني وشك عسل يا عسل 00 وصدقيني ما فيش حاجة في الدنيا تسوى كلمة (ماما) ياأحلى ماما 00 سلالالالالالالام يا قمر غصب عن الكل :27: :24: :26: