اطلع من بيتي ياوقح

السلام
والله كان زوجي جالس
كلمه جارنا قاله الفزعة يابوفلان قاله خير شفيك اهل بيتك فيهم شي قاله لا السيارة يبغالها اقتران
طلع له زوجي ونسى باب البيت مفتوح وتأخر
انا كنت بالمطبخ حسيت بخيال مر من قدامي قلت قاعدة اتوهم
ً طلعت تجولت شوي ولا اشوف جرذ اعووذ بالله قد البقرة وين جيت انت كلمت ولد زوجي دخل غرفته وقفل على نفسه
سويت حالة طوارئ بالبيت تعرفونه مسموم يجيب امراض
زوجي رجع بلغته قعد يفتش حصله ولحق فيه ماقدر يصيده تعب زوجي صار يلهث وهو يركض وراه والبيت كبير
نصب له كمين حط له جبن وجاب اخوانه ٢ كل واحد استلم مكان وزوجي مكان وقعدو ماطلع الحرامي ذكي عارف الوضع قلبو البيت عليه مختفي
تعبنا انا استسلمت للنوم وهو بعد بس تميت خايفة على بناتي كل شوي كنت اتفقدهم مانمت شوي
صحيت حصلت زوجي قاعد
قالي يطلع اصوات وزوجي قاعد يكلم نفسه وهو يلف بالبيت ويسب ويتكلم جاله تلف اعصاب منه يقوله اطلع اطلع لي وواجهني لاتنحاش وخلك رجال ولا لالعن والدينك بس اشوفك انا معطيك عفو تطلع من بيتي سليم بس خلاص باب العفو قفلته وبلعت المفتاح انت بتطلع ميت من هنا خلاص بت في الامر وبناتي يطالعونه قلت خلاص شفيك انت قعد يصرخ علي ويهاوش علي عذرته الجرذ جننه سمعت صوت صرخة زوجي بقوة قالي نقز من جنبي الحقير كان بيمسك رقبتي
ماخلينا شي جبنا لاصق وسم فئران ونصبنا كمائن مايطلع
يطلع شوي يستفزنا وينحاش مرة ثانية
والله تعبنا اليوم زوجي شافه وجه بوجه لحقه ماقدر عليه قاله تستفزني انت وجاب عصا وقعد يضرب الكنب والاثاث كسر البيت عليه والله صرنا نكتة حتى اخوانه الصغار ساعدوه ماحصلوه وابوه جا بيزورنا قاله سود الله وجهك خايف من فار وماعارف تصيده كيف فاتح بيت انت وانا ابوك بزماني قتلت ٢٠ فار كبار ببيتنا القديم يوم دخلو عليه وزوجي مو حول ابوه
والله تعبنا جد ما امزح يعني وجوده بالبيت كئيب ومسوي قلق حتى بناتي وديتهم عند امي خايفة عليهم يعضهم او يسوي شي لهم
ماخلينا طريقة يشهد الله ماطلع مستخبي بمكان مانعرفه ياليت بالحوش نص مصيبة لا داخل البيت
بالله في حد عندها طريقة ممكن تجيب راسه فيها