السلام عليكم ورحمة الله وبركاته
من يومين عملت برياني ربيان لزيييييييييييييييييييييييز قلت انزله للبنات الحلوين
شو برياني ما في اطيب من هيك <<<اكيد بتعملي دعاية لطبيخك ههههه:32:
لا عن جد جربوه وادعولي ولو ما عجبكم لا تدعوا علي :icon29:
المقادير
مقاديري بتكفي 3 اشخاص
2 حبة متوسطة بصل مفروم ناعم
4 حصوص توم مفروم ناعم
قطعة زنجبيل مبشورة
ربيان انا استعملت النوع الوسط 25 حبة تقريبا
2 كوب ارز بسمتي
كوب لبن زبادي
4 ملعقة كبيرة معجون طماطم
كوب بازيلا مسلوق
زيت
البهارات المطحونة
بهار برياني السمك
كزبرة ناشفة مطحونة
كمون مطحون
قرفة مطحونة
هيل مطحون
البهارات الحب
هيل حب
اعواد قرفة
بهار حب
فلفل اسود حب
زعفران وماء ورد
ملح
الطريقة
اول شي بنغسل الرز مرتين تلاتة وبعدين بننقعه بماء فاتر ومع مياه النقع
بنحط ملعقة ملح كبيرة بتمنع الرز يتكسر
والرز اللي استخدمه للبرياني بكافة انواعه وللكبسة هو ارز india gate وهاي صورته
الرز هاد ممتاز جدا حبته طويلة كتير ولما يستوي ما بتكسر حتى ريحته بتشهي لما ينطبخ
هلا بنروح للخلطة اللي بدنا نعملها مع الربيان
لانه زوجي ما بحب البهار الحب في الاكل بحطه بالاول مع الزيت
وبحركه شوي حتى ياخد الزيت طعم البهارات وبعدين بنشلهم
عذرا على الصورة مش واضحة كتير بس كنت اصور بايد واحرك بايد
خايفة ينحرق الزيت وتخرب الطبخة ههههههه
بنحط شوي زيت ومعها البهارات الحب وبنحرك شوي
بننشل البهارات الصحيحة وبنضيف البصل المفروم وبنحرك
بس يدبل البصل بنضيف التوم والزنجبيل المبشور وبنحرك
حبيباتي لا تردوا ليكمل الموضوع
بنضيف الربيان المنضف والمقطوع ديله والخيط اللي بالضهر وبتكوني فركتيه بالملح والطحين والليمون
عشان تروح الزنخة منه بنضيفه عالبصل وبنحرك
بعد شوي بتلاحظي الربيان تغير لونه على فكرة الربيان ما بيحتاج وقت كتير ليستوي
شوفي كيف بيصير لونه على برتقالي
هلا بنضيف البهارات وانا ما حطيت كمية محددة للبهارات لانه كل وحدة على خاطرها كيف بتحب
الاكل هي وعيلتها فيه ناس بتحبه مبهر كتير وناس قليل المهم لا تكتروا بهار متلي ههههه بتطلع الطبخة
حارة لانه بهار البرياني حار
وبنحرك الربيان مع البهار
نضيف اللبن الزبادي ونحرك
نضيف البازيلا والافضل تكون مسلوقة وشبه مستوية حتى ما تطول على النار مع الربيان
بنضيف معجون الطماطم وبنحرك وبنضيف شوي ملح وبندوق ونشوف كيف ملوحة الخلطة لو بدها كمان نضيف
وبعدين نحط شوية بسيطة ماي ونسكر الغطا ونحط الطنجرة على نار هادية شوية بس لحتى تتسبك الخلطة مع بعضها
حبيباتي لا تردوا ليكمل الموضوع