السلام عليكم ..لعيون بنات حواء وطلبهم على الخاص بسبب اختفاء الصور في الموضوع القديم هذه صور تغييراتي لغرفة اختي من جديد ..الستايل في الغرفه شرق آسيوي ...اعتمدت على اللونين البنفسجي المحمر (red violet ) للجدار وراء السرير والرمادي المتدرج من الوردي لباقي الجدران ..واخترت نقوش على الجدران وعكست الوانهم ..الارضيه موكيت باللون الوردي المتوسط لانها مب حابه الالوان الفاتحه عشان الاطفال ربي يحفظهم ..والاثاث خذت غرفة صينيه والكبت زاويه فيه مكان للتخزين واسع لانها في بيت اهل زوجها وما عندها مساحه كافيه للاغراض .
السقف مع الثريه (الاضاءه )
السرير بجانب الشباك والدولاب زاويه
الزاويه اللي فيها سرير بنوتتها وسويت وراه نقشه بلون الجدار الريد فايوليت (البنفسجي المحمر)
التسريحه ..وما حطيت عليها أكسسوارات كثيره بسبب البنوته ربي يحفظها ..
الستاره باللون البنفسجي المحمر بنقوش ذهبيه ومفرش السرير من نفس اللون
طبعا التغييرات اللي صارت بعدين ما صورتها ..بس ان شاء الله بالقريب :26:
