اعاني الله واياكم

دايما رددي ان كلام الناس ونظراتهم ماتخلص المهم انتي وزوجك ركزي على حياتك مع زوجك وبيتك والله كريم بيرزقك ربي الحمل والجنين السليم الحمل مو بيد الانسان الحمل بيد الله وشيلي فكرة الحمل بعد ماتاخذي بالاسباب وشيلي هم كلام الناس عنك ماراح يفيدوك بشي

رويدا على نفسك ورفقا بها انتِ وكل من مرت بمثل تجربتك 💓، يا غالية المشكلة الآن حلها الأساسي بيد الله ثم بيدك، استعيني بربك ناجيه يوميا اشكي له بلهجتك من أذاهم زي ما شكى موسى واطلبيه يقويك وينجيك مما تخافين..

خليك واثقة من داخلك حياتك حلوة أيا كانت وفيها نعم كثير واسعي تحققين النجاح بأمور ثانية مثل وظيفتك لو عندك أو تطوع في جمعيات خيرية أو مثلا إنجازات وترتيبات تسوينها ببيتك أو عناية واهتمام لنفسك وصحتك حتى تخف مشاعر الحزن، بعدين قولي لنفسك الناس هذول ما بيدخلوني جنة لا ينجوني ولا بيرزقون فليش ادهور صحتي على كلام وتصرفات نابعة من فكر جاهلي

وقت ما تكوين موجودة عادي خليك مستانسة للحوامل وحاولي تفتحين مواضيع مثلا اسألي الحوامل عن الحمل وش إيجابيات وسلبياته، وش ناوية تسمون زودي ثقافتك بالحمل يتحول من نقطة ضعف لنقطة قوة تشاركينهم ببعض المعلومات الصحيحة ولا تبينين ضعفك قدام أحد إلا أمام الله بالثلث الاخير من الليل والله يبشرك ويفرحك عن قريب 💙

بصراحة المشكلة عندك انتي مو عندهم
وخليها قاعدة في بالك الناس ماترحم أحد بيّن لهم نقطة ضعفه، لذلك خليك قوية وردي عليهم بوجوههم وانتي حاطة عيونك بنص عيونهم إذا سألولك أو لمحوا عن الحمل، قولي لهم إن الله هو الرزاق وإذا تقدروا تغيروا أقداركم لاتقصروا، وقتها راح يستحوا من أنفسهم، وهالشي ماراح تقدري تسويه إلا وانتي متصالحة مع نفسك ومن جواتك راضية بحكم الله عليك. وشي طبيعي إن الي حولك يتزوجوا حتى الأصغر منك ويحملون ليش تقارني قدرك بقدرهم؟ ما أخذوا منك شي، وماتحسي أبدا بالظلم لأن من صفات الله العدل فدافعي عن عدل الله لكِ بوجوههم.
وأنا ماتزوجت وبمفهوم الناس تأخرت وعنست، وما أنكر إن طبيعي الوحدة تبي تتزوج ويكون عندها عيال لأن هاذي هي الفطرة السليمة بس فيه أشياء مو بيدينا لين يجي وقتها أو يمكن ماتكون مكتوبة لنا أبدا.
وقت إنتي تآمني وترضي بالي ربك كاتبه لو شنو ماقالوا الناس ما يأثر فيك لأن الحرمان من متاع الحياة الدنيا بينكتبلنا أجره إن صبرنا، والصبر أجره عظيم لقوله تعالى( إنما يوفى الصابرون أجرهم بغير حساب).
باختصار ركن الإيمان بقضاء الله وقدره خيره كان أم((شره)) هو مفتاح تجاوزنا لكثير من الأزمات.
ولا تكوني حساسة يمكن ماحد يقصدك بس انتي شاغلك الموضوع، وربنا يرزقنا وإياكِ.

الله يجزاك خير بس ماعجبتني كلمة اني اقارن وانهم مااخذو مني شي لان كلامي واضح اني انا مؤمنه وماناظرت الي عهد غيري كل كل كلامي يدور عن ننظرات وكلام الناس لي ماقلت ليه ربي ماعطاني وليه الي اصغر مني عطاهم وانا لا همي كان الناس فقط