اعاني من الظلم

اعاني من الظلم ...
انا ساكنه وسط عائلة ملتزمين جدا
يعني الناس ماتدري .. دائما يقولون يا حظك ماخذه من هذه العائلة ..
وهم فعلا غاية في الالتزام ..
ولكن .. ما ادري فيهم غباء او خلل .. او الخلل فيني انا .. بقولكم عن تصرفاتهم واحكمووو
اول شي خوات زوجي .. الثنتين .. ما احسهم يحبون زوجات اخوانهم ! ..
من اول ما دخلت عليهم .. يغتابون حريم اخوانهم وخصوصا اخته الكبيره .. مافي احد عاجبها ..
استغربت اقول شنو هالثقه الي اول يومين تشوفني تكلمني عنهم بهالسوء .. و بعد ماشافت خيري من شري ...
والمشكله .. انا زوجة اخوهم الصغير ..
المدلل .. اقرب واحد لهم يحبونه اكثر من اخوانهم الباقي ..
والمصيبه يأثرون عليه .. لان اخوانهم الي اكبر ساحبين عليهم
المهم
فيهم حركات تجلط .. خوات زوجي .. يقعدون مع زوجي ويتكلمون عن حريم اخوانهم .. فلانه مافيها خير ما تسأل عني وفلانة امي مرضت ولا زارتها فلانه .. تكلمني بدون نفس .. سوااااالف قمة في التفاهه ..
ويضخموووون المشكله الي مختلقينها ويسوون من الحبه دبه لين تصير مشكله كبيره .. من جذي كل وحده من حريم اخوانهم تاخذ روحها وتسكن بعيد ..
بس انا زوجي يجي يبي يسوي مثل خواته .. يتكلم عن حريم اخوانه يقول فلانه ماتسأل عن امي وهي مريضه . . وانا ما اسلم عليها وووو .. ووحده مافيها خير ما تسأل عن اختي
استغرررررررب منه واقول له يا فلان .. وش لك بسوالف الحريم .. الحين زوجة اخوك واختك .. مالك شغل فيهم ولا لي انا بعد شغل فيهم ..
و اذا قلت هالكلام يسبني ..
وخواته الاحظ عليهم يتضايقون اذا يشوفون علاقتي حلوه بوحده من حريم احوانهم .. يعلقون باستهزاء ..
واذا صارت مشكله يقارنوني فيهم ..
يبون يسوون فتنه بيني وبينهم ..
في كل شي يتدخلون ويقولون احنا مانتدخل ..
...
زوجي يروح الى اصدقاءه .. وسوالفهم كله عن الحريم بلا واللي مايتزوج احسن .. والحريم ماينعطون وجه .. ووو
ويجي الى خواته ويشوفهم شلون يتكلمون على حريم اخوانهم ..
ويطبق علي هذا الشي
توي قبل فتره اكتشفت ان اسراري .. كلها عند خواته واخوانه
لو اعطس دروااا
عن كل شي يدرون .... انصدمت
وفيه حركات حقيرة .. يعاملني مثل الخدم .. وهو يشوفني عيالي صغار ما الحق اسوي كل شي من تنظيف وترتيب في نفس الوقت يروح يعلن علي ان انا وصخه وما انظف وبيتي زباله ..
بسبب ان ولدي توه مولود جتني فتره ادوخ وانام وما اسمع اذان الفجر .. واضطر اصليها قضاء .. راح اعلن علي ان ما اصلي اداء
قلت له كان قعدتني اصلي .. والحين هو كم مره اشوفه يصلي قضاء وماعنده عذر ..
هو تزوج قبلي وطلق بسرعه خلال شهر .. لان ماخذها بغير قناعه .. ... وما كان يبي يظلمها ... وطلقها .. انا بعد ماجبت عيال يبي يطلقني ويختلق لي المشاكل ويروح يعلم خواته باللي حصل بالتفصيل .. عشان يشجعونه يطلقني ...
مع انهم ماشافو مني الا كل خير
اذا اختلق المشاكل يتفل علي .. ضربني مره وحده على راسي صفعتين .. اويضرب صحن الغدى وينثره في وجهي ..
ويسب ابوي وامي ويتكلم بالشرف
انا انقهر واصرخ عليه وارادد دفاع عن النفس
يعني يسوي مشكله بس عشان نظره
وبعدين رحت وقلت الى اخته الكبيره ظنيت انها بتصلح لاني كنت اشوفها عاقله ..
وقالت كلام من وراه .. راح اكلمه وهدي بالك .. وبخليه يتأدب ..
ولما قابلتني معاه
قالت انتي تصرخين على زوجك بدون حيا كيف تتجرأين عليه
وتشتكين عليه عند اهلك ليش هو طفل ..
بعدين اخوي مافي مثله ذهب
يبغى معامله صح
واذا ما تعاملينه صح .. اذا ما خطبنا له .. راح يطلع يخطب لنفسه ..
وتدعي انها تبغى تساعدني
تختم الكلام كنت بساعدك وانا مو اقول ذا الكلام قدامه عشان يستقوى عليك ..
شلون اتعامل معاهم
انا مفكره اذا شفتها وسلمت علي
ما ارد عليها بصراحه .. وش تنصحوني والله مقهووووره الكل علي