اعاني من النحافه الشديده

حبوب المسيجور تفتح النفس بقوة بس مشكلتها تسبب النعاس في الايام الاولى

وعندك حبوب زيت كبد الحوت بس هي مكمل غذائي يعني ما تسمن مرة زي المسيجور

افضل حل تروحين اخصائية تغذيه وتكشف وتشوف المناسب لك
واذا لقيتي حل بلغيني لو برساله(نفس حالتك) وحده عجازه تروح

أنا انصحك بالحبوب الصينية (جنسينق) انا اكلتها قبل ما اتزوج واختي تزوجت بالعطلة هذي واكلتها وصديقتي بعد والحمدلله ماضرتنا بشي ولله الحمد
بس بنصحك مو تاكلينها ولما تسمنين تتركينها فجأه لا ترى تنحفين اكثر من الاول
اشتري علبتين العلبة الاولى اكليها يوميا قبل النوم اذا شفتي نفسك خلاص سمنتي العلبة الثانيه خليهها لمدة اسبوع يوم ويوم لا والسبوع اللي بعده بعد كل ثلاث ايام وبعدها اكلي مره بالاسبوع اهم شي مو تقطينها فجأه
والله يوفقك

انا قبل سنه كان وزني 57 كيلو وطولي 180 سم
كنت نفس شكل الرجال النحيف اللي مرسوم على علبة سفن اب
ومن صغري الى ان اصبح عمري 26 سنه وانا مضرب المثل بالهيكل العظمي وكل من شافني يشفق على حالي
وكل سنه كنت اضحك على نفسي واقول اذا كبرت اسمن
والسنه الماضيه خلاص قررت ارفع وزني واودع النحافه
المهم بصعوبه وصلت ل 65 كيلو وثبت وزني وماهو راضي يتحرك
جربت اكثر الخلطات ومافيه فائده ولو ارتفع الوزن يزيد كم كيلو وينقص
وبالاخير اقتنعت ان الافضل الاكل الكثير

يوميا على الريق 7 تمرات وبعد نص ساعه افطر
واكثر من اكل الرز وقت الغداء
وثلاث مرات باليوم اكل طحينيه مع حليب نيدو
ويوميا حبتين بيض مسلوقه
والمكسرات يوميا اكل اقل شيء 70 غرام فول سوداني
ومن شهر 7 متبع هذا النظام الغذائي
وحاليا ماشاء الله وزني 71 كيلو وناوي اوصل الى 75 كيلو واوقف الزياده

ماشاالله على الاخ عباس

والله نحن حدنا اسبوعين ونترك النظام