اعاني من سمنه وماعندي عزيمة وماعرف شو اسوي

السلام عليكم ورحمة الله وبركاته
اشحالكم بنات حواه واشخباركم عساكم بخير
اباه اشكيلكم الحال لو تسمحون
انا اعاني من سمنه وماعندي عزيمة وماعرف شو اسوي وزني 89 وطولي 170 والمشكله الاكبر انه خطوبتي بعد شهر وانا للحين ما ضعفت ماعرف شو فيني يوم اشوف الاكل اكل وعقب اتحسف مووول ماشي عزيمة احس عمري ما استحي على ويهي والله وايد مفتشله من عمري حتى اللي حولي يقولون لي انتي مب خطبج الانسان اللي تتمنينه انزين ليش ما تكملين امينتج الثانية وتضعفين
اباه تشجيع ونصائح مع العلم اني جربت كل انواع الرجيمات واعرف كل شي بس مب رايمه اطبق وماقد مره ضغطت على عمري ونحفت ماعرف شو اسوي الايام تمر بسرعه وانا ماسويت شي والله اني كارهه متني بليز ساعدوني شو اسوي