يابعد تسبدي لايهموووووووووونك خللك على مثل .. واثق الخطا يمشي ملكا .. وسمعي كلامي زين مازين


1ـ مآفي بنت مآفيها جمال

2ـ الجمال ينقسم لقسمين ( جمال داخلي + جمال خارجي )

3ـ الأم لابغت تخطب لولدها وحتى لو ولدها يبي زينة الأم ماتشوف إلا أخلاق البنت لانها بتكون زوجة ولدها بالمستقبل وعلشان تضمنها

4ـ لاتسمعين كلام الناس أبد وخللك واثقة من نفسك ولاتقولين ماعندك جمال ترا أذواق الناس تختلف غيرك لو شافك يمكن يخق عليك

5ـ خللك متفائلة وقولي دايم ( اللهم كماحسنت خَلقي فأحسن خُلقي )


وان شاءالله تخلين كلامي براسك ومابي منك إلا الدعاء لي بالغيب

اختك في الله
بنت الرياض

قلتيها بيدكـ كاتبته حريقه تحرق الجمال فهو نسبي ويختفي مع الحمل والوالده والعصبيه والهم

ميييييير الاخلاق ليش ما انتي خلوقه امك تقوله وانتي تقولينه انا ماجبته من عندي ...

عدلي اخلاق واحسني ظنك بربك تراك اخطيتي خطأ فادح لما تحلطمتي ع قدر الله

استغفري ربكـ وتوبي له وواطلبيه يسامحك ع كلامك .. واطلبي يسر امرك

تقولين حافظه للقران ليش ماتأثرتي باخلاق القران .. تذكري واستحضري الايات

اللي تحثك ع الثقه بالله ثم بر والدينك وصلة رحمك ..

بسكم تحلطم وبحث عن الحزن وثقي بنفسك واستخرجي مواهبك وابداعتك

موفقه

استغفر الله ياربي
انتى حساسه جدا
خلى الي يقول يقول والى يتكلم يتكلم
بالاخير هم يصلون ويصمون لك
ضيعو حسناتهم بنتقادهم لخلق الله فيك
بالعكس المفروض تنبسطين والله
1- حافظه للقران
2- تقدم لك ولد عمك وكان المانع نتيجه الفحص وحطي مليون خط تحت نتيجه الفحص
يعني هو ماقال شينه وسوداء وخايسه و هالاوهام الى انتى عايشته
3- امك تقول هالكلام من خوفها عليك يامهبوله
عشان تحضك على الاهتمام بنفسك اكثر واكثر
والله ان الى جمالهم مقبول موفقات مع ازوجهم
بعكس الجميلات دايم مشاكل وطلاق
افرشي سجادتك ودعي ربك الله يجمل حالك ويرزقك الى يستاهلك
ولعاد تقولين هالكلام عشان ربي مايبلك بمرض ولا تشوه
وتعرفين انك كنت فى نعمه
اهم شي فى هالحياة
الصحه الى فعل ماتقارن لا بالمال ولا الجمال

اذكري الله يا بنت الحلال
ترى مو بس الجميلات اللي يتزوجون أغلب الناس يتزوجون بس انتي خليك واثقة من نفسك
وبعدين انتي تقولين انك حافظة للقرآن ترى هذا لحاله شرف كبير أحسن لك من الجمال اللي مصيره لبطن الدود

لا اله الا الله

حبيبتي لاتقولين عن نفسك هالكلام وخلق الله كله زين والحمد لله اذا الواحد كامل الخلقه والعقل هذي نعمه يفتقدها البعض ومساله الجمال هذي شي نسبي من حرم منه لايحرم من الاستمتاع بحياته واذا على اهلك اتوقع انهم محدودي التفكير ومايهمهم الا ظاهر الامور والقشور واتمنى ان كلامهم مايأثر فيك ولايمنعك من رؤية اشياء اهم من الجمال شوفي نفسك وشتحبين وش المهارات الي عندك ايش هي اهتماماتك اذا كنتي طالبه اهتمي بدراستك شوفي هواياتك ومثل مافهمت انتي حافظه القران هذا لوحده شي تغبطين عليه ليه ماتحضرين محاضرات اوتدخلين دورات وتحسسين الي حولك بنجاحك وتثبتين لهم ان الجمال ماهو شرط من شروط النجاح وكلامهم نابع من الجهل وآسفه على الاطاله واتمنى تطمنينا عليك