حبيبتي من تصحين من النوم اقرأي الاذكار وادعي " اللهم اجعل هذا اليوم خير الأيام " حاولي تعيش هذا اليوم بأجمل ما فيه
كأنه خلاص انه هذا اليوم آخر يوم بحياتج تصدقي أو ساعدي أحد محتاج ولو حيوان
أقري قرآن ولو صفحه
أنتي تقولي بعض الأحيان تكلمي نفسج طيب ليش م تستغلين هالشي وتخاطبين رب العالمين مثلا مثال تقولي يا ربي أنا أحبك حب مخلوق للخالق حب الطفل لامه حب حب معشوق لعشيقه أسالك أنك ترضي علي فرضااك هو الوحيد اللي أسعى له يعني كذا خاطبي رب العالمين كانه قريب منج
الماضي ماضي راااح وولى صارت فيها أحداث وانتهت ليش اعيد تشغيلها فوقتي الحاضر واضيع ساعات فالتفكير فيه مثل الفلم قديم اكثر من مره شفتيه وتعيدين تشوفينه يوميا, هالشي ما تحسينه مضيعة وقت !! ما تحسينه انه شي خلاص عرفته وحفظته وفهمته !!
أمي وأبوي كانوا ما يحبوا بعض وكانوا يضربونا وكانوا يهينوننا ..... الخ , شفتي "كانوا" شي صار وخلص وولى وراح وتوقف , من يعيد تشغيله ؟؟!! اللي يفكر بالماضي ...
خذي كل الاحداث الماضيه السيئة وخليها صندوق واغلقيه ولا عاد تفتحينه ابدا وتذكري الأشياء الحلوة الجميله اللي صارت . حاولي تذكري " معلمة عزيزة علي كرمتني وكانت بصمه لي في تعزيز ثقتي " " أبوي اهتم فيني بعد ما طحت مريضه " " زوجي هداني هدية وفاجئني بيوم ميلادي او يوم زواجي " حطي الماضي للأشياء الجميله فقط


لا تعكري مزاجج بالماضي , حاضرك ويومج عيشيه بأجمل ما فيه , الخوف من رب العالمين حلو والحب لرب العالمين أحلى , مثل ما تنفذي طلبات زوجج حبه له وطلبا لرضاه صح ولا لا !!!
صلاتج وجهيها لرب العالمين وخاطبيه مثلا قولي ي ربي أنا راااح أتغير للحسن وأصحح أخطائي وتقصيري الماضي كله اللي أطلبه رضاك علي ما اريد من هالدنيا او الأخرة غير رضاك وحبك لي


عيشي حياتج الحاضر بأجمل ما فيه (( خططي عليه عشرين خط ))

استمري ولا تهتمين هذا وسواس هذا شي عادي كثير ناس يجيهم مع الاستمرار راح يروح اكثري من الاستغفار والصلاه على النبي.
ثاني شي مهما حصل لاتحقدي ع اهلك وأمك خلاص انتي كبرني واستقليتي مهما حصل الوالدين عقوقهم من اكبر الكبائر
ويارب اي وحده تضرب اطفالها وتحط حرتها فيهم هالمساكين تنكسر يدينها لانها مو كفء تكون ام

نصيحه مني ادخلي دار تحفيظ صدقيني بينشرح صدرك وتنسين الهموم