الله يرزقكم ويوسع عليكم
انا رايي عكس راي الاخوات
انا اقول زيدي اكرام لاهل زوجك واحسني لهم
كل ما طبختي طبخه حلوة عطيهم منها
وكل ما سويتي حلا ارسلي لهم
الزيارات اذا شفتي انهم ما يحرصون عليك قللي من الزياره خليها مرة بالاسبوع ولا تطولين عندهم يعني ساعه ونصف بالكثير وخذي معك القهوة والشاي والحلا
فرحيهم دايم وخاصة الاطفال اذا عندهم اطفال اشتري شوكولاته وعطيهم بين يوم والثاني
خالتك اذا ما عندها احد الصبح ومن اللي تقوم بدري جهزي الفطور اللي تحبه وانزلي افطري معها
ولو كان ولدها معكم اللي هو زوجك يكون افضل
سولفي معها السوالف اللي هي تحبها
اظهري لها انك تهتمين بسوالفها وكلامها
استنصحيها بعض الاحيان وخذي شورها في بعض الاشياء
لكن ابعدي عن الكلام في حياتك الخاصه وعن زوجك
الا اذا بتمدحين ولدها وتربيتها له
وصدقيني لو استمريتي على هالحاله فترة من الوقت ان تتغير معاملتهم لك ويحبون جلستك معهم ولا عاد ينكدون عليك
والله يقولسبحانه(إدفع بالتي هي أحسن فإذا الذي بينك وبينه عداوة كأنه ولي حميم)
ويقول الشاعر
احسن الى الناس تستعبد قلوبهم
فطالما استعبد الانسان احسان
وانا اقول لك هالكلام من تجربة وليس كلام عابر لا قيمه له
مسكوية
•
الصفحة الأخيرة
انا ماراح اقول ابني بيت لان بهذا الزمن كل شي صاير صعب
اللي بقوله اطلعو شقه ايجار اكثر استقلاليه وراحه واستقرار
الله يكون بعونك