اعتبروني اختكم ،، رايكم بالزواج من متزوج؟/ استوفى الرد

اعتبروني اختكم واسألكم بالله تنصحوني بصدق
وتحطون نفسكم مكاني
لو اختك او انتي بنت بكرر عمرها دخل 33 سنه
خطوباتها ياماتتم او شخص دون المستوى من التعليم او الاخلاق
خطبوها اقاربها ابناء اعمامها اهلها مايوافقون لاي سبب
يعني من عند الله هي ماعترضت
ومرت عليها السنين وفي ال5 سنين الاخيره
لاحظت خطوبتها ماتتم
او الخاطب مايرتاح ،
راح اتكلم عن اخر خاطب كان مممتاز من ناحية عمره صغيييرواعزب
وشكله واخلاقه ونسبه مناسب لها جداً
واهله البنت اعجبتهم كثيير وهو ماشافها لكن مارتاح لها
رفض بدون سبب
وهي تعاني من حسد وتتعالج بالرقيه وماتستمر تتركها
البنت حلووووه كملامح وشكل وفيها مميزات حلوه من ناحية التعليم والاخلاق

تقدم لها متزوج اكبر منها بكم سنه اتوقع ماتعدى اربعين
معه طفل او 3 مو اكثر ابداً
ماشاء الله ممتاز جداً من ناحية المال والرجوله والنسب والتعليم والشكل
كل بنت تتمناه ماعدا انه متزووووج
والله بمثابة حلم لو خطبها شخص مثله ،
وماكانت تتوقع يخطبها شخص بنفس المستوى ماعدا انه متزوج
متضااااايقه كثير وماتوقعت حظها ونصيبها بيكون مع معددد .. وخاصه لا صديقاتها ولا بنات عمها وخالها واقاربها ولا وحده متزوجه معدد الا بنات تجاوزت اعمارهن اربعين سنه


تخاف توافق وتكون رغبتها فيه مؤقته وبعدين تندم
تخاف توافق وتستلم لحظها وتعيش الضيم
مع نص رجال وتحس بالفراغ العاطفي لطول انشغال وقته عنها
اذا البنات هنا تشتكي من زوجها ماتشوفه
وهو رجل اكيد مشغول باعماله وبيتين وعيال متى بيحصل وقت لها؟؟؟
تخاف توافق ويتزوج عليها وبيقول انتي رضيتي تكونين ثانيه وخاصه اهله معروفين بالتعدد
او ماتعجبه ويقارن بين جسمها وشكلها بينها وبين الثانيه
تخاف بكره تندم لما تشوف خواتها متزوجين اعزب وتتذكر صديقاتها متزوجات اعزب

تخاف ترفض ومايتقدم لها الا شخص معدد لكن اقل منه مال وعلم ورجوله
تخاف ترفض وتعنس وماحد يبيها
والسنين تمر الا وهي كبيرره وماراح يرضى فيها الا شايب وابو عيال
تخاف ترفض وتتزوج واحد ماعنده اخلاق ولا رجوله وتتطلق

تقول اهم شي تعيش حياه محترمه مع زوج يقدرها وتجيب عيال والحياه مستمره وتنشغل في الحياه من عمل ودراسه واولاد وفي طاعة الله ونهاية الحياة والسعادة بالجنه ، وماراح يبقى في عمرها كثر مامضى ويمكن تموت اليوم او بكره او بعد سنه سنتين ،
بس يمكن تحس بالغيره يمكن تحس بالنقص يمكن الناس راح تكره ويرمون نغزات واهانات وكلام قاسي عليها يمكن ماتحس بالفرحه مثل لو شاب مامعه زوجه سواء مطلق او اعزب
تخاف انها جالسه ترفس نعمتها برجلها ويجي يوم تندم

افكار واجد تدور براسها وهذا هي تستخير لكن تحتاج لمشوره وناس فاهمه بالحياه

ناس عاشت التجربه ايش السلبيات والايجابيات؟ وسؤال مهم ايش الضرر او اللي بيوصل من زوجته الاولى لو كل وحده في بيت لحالها وحياه خاصه وماتقابلها ؟
كم عمر البنت لما تبدا تفكر بالزواج من متزوج؟
الزواج راح يكون معلن وفي بيت لحالها وزوجته راح تكون على علم
ارجوكم عيشوا موقفها لانها تبي الستر والتوفيق وعاشت مشاكل وهموم واهمال واكتئاب
فصارت تبي حياه مع زوج والفكه من التفكير في هم الزواج ، وكل سنه تكبر بالعمر وتقل فرصتها ،
هو عاجبهاااااا كثيييييييير وتبي وتتمنى شخص بمثل مواصفاته تحس امنيه بالنسبه لها لكن يعيبه متزووووج ومن بعد سالفة الاعزب اللي رفضها وهي كرهت الخطاب وتقول مارفضني هالاعزب الا لسبب انها كبيره وتعرفون بمجتمعنا الشباب فوق 30 سنه ومايبي الا بنت اصغر من 30 ويكون مطلق ومايبي الا اصغر من 30 وصار مايبي بنت 30 الا متزوج فهي رضت بمتزوج وصغير وبمواصفات حلوه افضل من شايب وعلى قد حاله
ارجوكم بهالشهر واليوم الفضيل تنصحونها وتدعون لها



ملاحظه : صاحبة الموضوع انا لكن كتبته بصيغة اخرى عشان ماحد يجرحني