اعتبروني اختكم واللي تقدرو عليه بالنصيحة لاتبخلون علي

السلام عليكم

شلونكم بنات حواء قبل كل شي الله يهني الجميع بحياته ويسعدنا يارب ويبارك لكل اللي عندهم عيال ويرزق اللي ماعندهم يارب

بنات بدخل على طول انا متزوجة من خمس سنوات وعندى طفلين مشكلتى مع زوجى من زمان وهو انه يعطي وقته لبرا البيت بالشغل كثير وبالاسبوع 3 مرات استراحة يعني باختصار مانجلس معاه الا يوم الجمعه فقط تخيلو

وغير ذا كله انا احاول اغير بالبيت اشتركت بمعهد احاول قد مااقدر تكون لي حياتي ولكن هو زودها كثير يعني صار حتى نقاش مايحب ودايم يفهمني غلط اذا فقط قلت له العيال ودهم يجلسو معك نطلع سوا خصص لنا وقتك يقول انتى بتمشيني على كيفك

ماانكر انه طيب ومايعصب مع انه هالايام على اي شي يتنرفز المهم انا بحثت بشخصيته اللي يعرف بوصلة الشخصية طلع شمالي شرقي ...


بنات انا تعبت ولا لي ام اشتكي لها مشكلته مو حاسس ابدا ولا يبيني اتذمر او اشكو يبي فعلا يرتاح بالبيت بس بغض النظر عني يعني هو على كلامة خصص لنا يوم الجمعه طيب وتخيلو يتصل عليه واحد بيمره يقوم يطلع طبعا انا انقهر

يعني هو يوم وكمان تطلع وعلى فكرة لحد يقول انتي يمكن مو مريحته لانه خواته جلسو عندى اسبوع هم بنفسهم قالو انتي فعلا دبلوماسية تتحمليه وماتعصبي عليه بنات لدرجة انى انا اودى العيال المستشفى انا اذا مرضت اروح المستشفى ... صح هو مشغول ماسك شغل ومشاريع كبيرة بما انه رجل اعمال موفر لي كل الامور المادية ... لكن ريحوني هل اطنشة ولا اطلب منه شي اللي بيعطيني اياه من وقته ومن حبه خلاص اكتفي به ولا ايش حاولت حاولت غيرت وكسرت الروتين بهدايا بمساج بكل شي لكن هو مثل ماهو حتى لمن اقله انا حاولت اكسر واغير اسوي لك كذا وكذا بادلنى الشعور يقلي خلاص لاتسوي مابي ... عجزت افهمه مواقفه لي يدل انه يحبني ولكن هو بعيد عني

اللي تعرف بالشخصية او اللي اخبر مني تنصحنى ارجوكم لان كل صبري وتحملي وكاني متزوجة الجدار امراة بغير رجل كل ذا وكمان يشوف انه مو مقصر ويقلي البارح لاتظغطي علي بعد كذا افكر بالزواج ...

معليش مارتبت كلامي لاني فعلا ابي افضفض ولا عندي احد وتعبت ...