اعتذررررررت من زوجي وشاف نفسه ..

                           السلام عليكم ورحمة الله وبركاته 
مدري وش اقولكم ..والله لنا شهر الامور بيننا من احلى مايكون  ومن يومين  صارت مشكله وانحلت وامس مشكله ثانيه وهو اللي بداها وهالمره ابيكم تشورون علي وش اسوي .. يابنات .. انا وزوجي تهاوشنا وكلمه منه وكلمه مني يعني كان في تطاولات من الطرفين  زوجي زعل يقول انتي صايره تتوقحين علي (تكلم ورديت عليه بطريقته ) وطلع من البيت ولما رجع اعتذرت منه وقلت حقك علي وانا كنت معصبه ووقت غضب وانت اللي بديتها وخليتني اعصب (طبعا طول ما انا اتكلم وهو يقول اممممم ، طيب ، اخلصي ) وهالشي ضايقني بس سكت وقلت ماااعليه المهم هو شاف نفسه وقام يقول لو عدتيها بسوي وبسوي وقام يقول كلام كثير فوق ما انا معتذره جاي تقول لي هالكلام وقمت اصيح ( غصب عني دمعتي دايم ع طريف ) طالع فيني قال لاتصيحين الحركات ذي ماعاد تمشي علي اااه يابنات انقهرت قلت انا مااصيح عشان استدر عطفتك وشفقتك ولا ابيهم اصلا وسكت وانا متندمممه اني اعتذرت والمقابل كلام يسد النفس (مع ان هذا مو طبعه له فتره مو متحمل مني شي )قلت يابنت ابلعيهالازال معصب انتهت السالفه امس جاء من الدوام واستقبلته حضنته وكيفك ومدري وشو والله يكلمني من طرررف خشمه ماله خلقي دخل الغرفه ولحقته قلت بطلع الاكل قال مالي نفس قلت اكلت بالدوام قال لا بس مابي شي  قفلي النور ابي انام طلعت من الغرفه شوي وارجع عنده الا غصب بخليه يفك قلت متى بتقوم قال مدري ليه قلت اسال قال تبين تروحين لاهلك قلت انت تبين اروح رحت قال انا اسال بس واعتبريني ماقلت شي قلت طيب الساعه 9 بصحيك نتعشى ونجلس سوا قال ماحنا جالسين سوا انا رجال بنام قلت انا واضح انك لسى زعلان بس براحتك وانا بصحيك عشان توديني لاهلي هاليومين ( حسيته يبيني اروح مو طايق الجلسه معي ) المهم صحيته وقام اخذ اغراض بيطلع  قلت في نفسي خليني احاول معه للمره الاخيره قلت له وشرايك اجي معك نقضي مشوارك  ونتمشى سوا وانا راسمه ع وجهي ابتساامه وماسكه يده قال اسف ابي اروح وحدي قلت له ليه تتكلم معي بهالطريقه قال وهو معصب اي طريقه قلت لك بروح لحالي قلت طيب ليه عصبت قال مو معصب بالعكس مبسووووووط وفرحااااان ولو تدخلين جواتي بتلاقيني طاير من الفرحه قلت اوكي انتظرني توديني لاهلي ووداني انا اللحين عند اهلي وامن امس وانا محترقه منه شاف نفسه عشاني اعتذرت واستقوى المفروض انا ازعل اعتذر منه ويقول بسوي وبسوي ودموعك ومدري وش بناااااااااااات مدري وش اسوي مستحيل اني ارجع اتلزق له واذل نفسي معليش انا بعد عندي كرامه وشلت بخاطري وزعلانه   واللي تقول ليش تعتذرين (انا ما اعتذر الا في حاله وحده بسسسس اذا حسيت اني غلطت ) .. والله مو طايقه ارجع دمي فاير من حركاته .. ابيكم تشورون علي وتعطوني حل  هل ارسل رساله او اسكت او وش اسوي 

اخيرا اللي ماعندها شي تقوله وبس تبي تسب تطلع من موضوعي مو مجبوره ترد  ( قل خيرا او اصمت )