اعترف اني اشوف العذاب بلجستي ووحدتي في البيت
اشوف الدنيا ضيقة علي ولاهي قادرة توسعني
نفسي اشتغل لو ساعة باليوم واطلع واحس بالحياة
محد حاس من اهلي بالاحساس الفظيع اللي حاسه بيه
ولا لاقيه مخرج لحالتي
الحمدلله على كل حال
لعل الله يجعل بعد هذا امرا

أعترف إني إنجرحت من أمي بالعيد بسبب إني أسولف وهي سالفه وحده والله ما نطقت غيرها بس نطت عليه وسط المجلس وعابت عليه على فكره المجلس أخواتي وحريم أخواني ما فيه أحد غريب وإلى حد الآن خاطري متكدر وقلبي مجروح منها والله كل ليله أبكي
ولا أدري كيف أدخل وقلبي مليان على أحد ربي رزقني صفاء القلب وإنطلاقة اللسان ما لحقت أحد ولا غلطت على أحد

اعترف اني مكسوره من داخل ولا احب ابين واكثر شي كاسرني العنوسه اشوف الناس تنخطب وتشرط وانا بس ابي شخص يطق الباب مو محصله اخاف العمر يفوت وانا ماضميت طفل من صلبي
واعترف اني اكره اخ. اني من ابوي وحاقده عليهم لانهم عارفين نقطت ضعفي ويجرحون فيني بسببهاا نفسي ارد لهم الصاع صاعين بس ماجات فرصه ووريهم كيف الاستحقار من جد

اعترف اني بكيت لماقريت همومكم ودعيت لكم جميعا


واعترف اني عندي هموم فوق هموووكم


واعترف اني ماحب اكتب مواضيع تخصني رأفه بحالي


اعترف ان قلبي كبيرررر وممكن يسامح طول العمر لكن مكسور
بدون روووح وحياه


انا وحده انجرحت كثيرررر كثيرر من اقرب اقرب اقرب اقرب الناس لي


كنت اعطيهم الورد ويعطوني الشوك


يقتلني الاسرار الي حافظتها منهم وما اقدر اقولها لاحد
رغم الي شفته منهم
خانوني واجرحوني واتعبوني
وماقدرت اكون مثلهم لليوووم
ساكته رغم الي بداخلي
كله لوجه الله


يااارب يجعلني من المستورين ب الدنيا والاخره


وحسبي الله ونعم الوكيل ...

سبحان الله وبحمده .. سبحان الله العضيم