اعترافات بكيد الحريم

ياربي من موقفك الأول
😂😂🤒🤒🤒

بقولك كيد أو مقلب سواه زوجي
الله لايسامحه على ذاك المقلب😩


كنا عند أهلي مجتمعين
وهو ماجا كان عنده شغل

وجاني إتصال من صديقه طلعت
الصاله أكلمها.
خلصت المكالمه جيت بدخل عند
أمي والبنات جتني رسالة واتس
من أخوي الكبييير والكبير الله
من أخوي الهيبه
من أخوي الي إذا دخل علينا
سكتنا وعدلنا جلساتنا ووقفنا كلام
من أخوي الي قسم بالله لما نتكلم
معه ما نحط عينا بعينه على قد ما
نحترمه وعلى قد مهو جاد وقليل
كلام وقليل مزح..

المهم جتني رسالة واتس منه
وهو توه أصلًا مار علينا ومسلم
وراح للرجال في مجلسهم.

فتحت الرساله وكنت منحالي في الصاله
لين الرساله رساله إباحيه
ألفاظها قويييييه شوق وتمني
و.......وشي ماينقال ولا ينوصف
ويقولي في آخرها أطلعي فوق😩😩😩😩😩😩😩😩

اقسم بالله العلي العظيم سودت
الدنيا في عيني
دخت
معد شفت
انهار كل شي في حياتي

كيف كذى؟؟
أخوي يقولي هذا الكلام؟؟
طيب أمي..أبوي..زوجي
زوجته..أولادنا.. مافكر..

فكرت في كل شي في ثواني

شوي جاني إتصال من زوجي..ياربي هذا وقتك الحين..مارديت..

قام أرسل رسالة واتس لينه كاتب هاه أعجبتك الرساله أعجبك العرض!

أي رساله وأي عرض!؟؟؟

ثم إتصلت عليه وش تقول انت!؟؟

أثريه خلص شغله وجا عند أخواني
ومن باب اللطافه الزايده والمزح البريء أخذ جوال أخوي هذا بالذات وأرسلي هذي الرساله.

هي كارثه لو كانت من أي جوال أكيد.
بس زاد الطين بله أنها من جوال أخوي هذا بالتحديد.

ما أنسى لين أموت ذيك المشاعر وذيك الصدمه العنيفه الي جتني.

🤦‍♀️🤦‍♀️🤦‍♀️🤦‍♀️

هههههههه والله ضحكت هههههه عجبني المقلب جداً
والله يسامحة شكلة راعي مقالب
تعيشي وتاكلي غيرها بس لو مكانك ارد له المقلب بمقلب اقوي

هههههههه كيدكم عظيم
انا مااذكر صراحه غير فترة حملي
كنت تعبانه او مو تعبانه
كل مراجعه اروحها للدكتوره مع زوجي
هو طبعا ينتظرني خارج العياده
فكنت كل مااطلع اقول له
الدكتوره تقول التزم الراحه من السرير للحمام فقط
ممنوع الوقوف الكثير والمشي الكثير
وهو يخاف علئ اللي ببطني وكل يوم الغذا والعشاء من المطعم 😂😂😂
وهو اللي يغسل المواعين ويغسل الملابس
واني منسدحه ع السرير
واقلب بالجوال😂😂
الحين يقول انا اللي كنت حامل بعيالي مو انتي
تعب معي الصراحه كثيرر
الله يكتب له الاجر
ويعيد ذيك الايام كنت ملكه 😂😂👸🏻

هههههههههه والله الحمل بتوأم مرررة متعب
الله يكتب احرنا بس ضروري البهارات للضرورة اني ما يمديني زوجي يدخل معي بكل شي😂

امانة بعد ذا السنين ماتتفشلين من نفسك اذا تذكرتي هبالك ذا ترى هذا غباء واستخفاف مو كيد ابدا ابدا
معليش انفعلت بس تذكرت زوجة ابوي كان تعشق تتميرض عشان نطلخ لها وتتمسكن قدام ابوي وتطلعنا ظالمين وهي كذابة
عندي عقدة من الحرمة اللي تتميرض احس حتى لو سلك لك الرجال بيقول مزوجيني وحدة فيها بلاء 😒