اعتراف من العيار الثقيل ، عشقي نوعه مختلف وغير منطقي 🤕💔

يسعد لي صباحكم احلى حوائيات
بنات انا عندي شي ماقدر اقوله لاقرب قريبه ولا حتى اعترف فيه !!
بس اعترف اني اسمع النصيحه وتدخل مخي وافكر فيها بس انا ماقد اعترفت لاحد بالشي ذا
الحمدلله ان فيه شي اسمه منتدى عالم حواء والحمدلله الاكبر ان ربي طيحني عليه صدفه داخله ابحث عن حلى وقلت خليني اشوف للحين فيه ناس متفاعله او لا
ولقيت التفاعل وقلوبكم زي الخوات
اول شي انا ربي بلاني بحب شخص بدون مقدمات وبدون سبب حبيته
وشكليا هو اقل من عادي بس سبحان من وضع هالحب فيني
تعلقت فيه يوم عن يوم تثبت لي الايام وتفكيري ان نصيبي معه
والله يابنات الشي اللي خلاني خلاص احس اني بتفكير وطريقه غلط اللي هو من دخلت هالانسان بفكري وحياتي رسمت حياتي معه ووش الكوفيره اللي بحجزها بعرسي وش بنسمي عيالنا وش باطبخ له ادري ان تفكيري غلط بس هذا شي مالي دخل فيه قد ماحاولت ابعد تفكيري فيه يزيد
والله والله يابنات بعد ماحطيت هالاشياء براسي صارت كل الطرق ماتوصل له
اقولكم كيف حنا واياهم قرايب ونشوف بعض بالمناسبات الرسميه ودايم حضورهم
بس اقولكم لي سنتين ومن حطيته براسي ماشفت اهله
اخر شي اللي صدمني وخلاني اقول خلاص يابنت وقفي تفكير فيه بزواج اخو ب كانو من ضمن الناس المدعوين كان بشهر 7 والله يابنات متجهزين هم وقايله امهم لامي بيجون وانا مخططه لذاك اليوم اني اصير ذربه سنعه بالزواج والفت انتباهمم تخيلو توفى جد اللي انا ابيه ليله الزواج وماحضروا
😳💔💔💔💔💔💔
قلت ممكن قدر وصدفه
اللي جلطني صار اجتماع بالديره حقتنا الكل يحضر باستراحه كل سنه يسوونها وهم من نفس القبيله وكل سنه يحضرون
كلن حضر الا هم سالنا عنهم قالوا اختهم ولدت قبل وقتها وراحوا لها بالمستشفى واعتذروا
بنات هالشي صدفه او وش اسميه وش اللي يصير لي معقول هالشي ليييش انا اذ بغيت شي مايصير 😭💔💔💔💔
حاولت انساه ادردش بالسناب مع شباب مجرد اشوفهم يطلبون صوره لي احذفهم ع طول عشانه انساه مافيه فايده
دخلت دورات دخلت كل شي بالحياه ملازمني هالشخص وين ماروح
احيانا اقول اصلا ممكن انا اصير حتى ماني من ضمن خياراته بالزواج ممكن يعرفني بالاسم ومممكن مايعرفني مرات اقول باتهاوش مع اهله عشان اقطع الامل فيه