موضوع رائع لا يوقف
اما من ناحية المعتقدات تقريباً اغلبها زي البنات من ناحية الأهل والتلفزيون
بس اللي ما زلت أتذكره كان فيه قريبه لنا والحرمه الله يذكرها بالخير بخيله شوي
وتخاف على بيتها بشكل ما يوصف واول ما ندخل عليها تمسكنا حنا يالصغار وتعطينا قصص خياليه علشان تخوفنا مثل لا تفتحون الثلاجه يطلع لكم كذا وكان فيه تحت الدرج ما ادري وش يسموه الجهاز الأزرق اعتقد اسمه الدينمو اللي يرفع المويه لفوق وكانت اول ما نوصل تقول لنالا تلمسونه تراه يشفطكم طبعاً هي قصدها يشفطكم يعني يكهربكم وكنت اتخيل يشفطنا يعني يسحبنا داخل الجهاز ويودينا لعالم ثاني وكنت مستحيل امشي جنب هذا الجهاز خوف يوديني لعالم ثاني
المشكله الجهاز صغير يعني كيف ابدخل داخل
وبعد ما كبرنا شوي عرفنا خطط الحرمه وكانت تقول لنا لا تولعون الثريا تراها تولع نار وكنا نضحك عارفين انها تكذب علينا وصرنا نمشي ببيتها طول بعرض

وكنت لما اسبح بالبانيو مستحيل اشيل السداده الا بعد ما اطلع من البانيو اخاف اروح مع المويا زي افلام الكرتون الله على ذيك الأيام
يسلمووووو على الموضوع الحلو 

فيه عزالبيه مستاجرين بيت قريب من ودايم تقول امي لاتروحون للهعازابيه ومنوهالكلام
وماادري وش معنا العازابيه تبلور بدماغي نوع من الحراميه لي يومك هاذا ادا جا طاري عزابي اضحك

كنت افكر ان الحرامي اطول من البيت لاني اسمع انه يقفز من فوق البيت فكنت اخاف مااطلع السطح

انا كنت احسب ادا بلعتي نواة التمر تنبت في بطني نخله \\\\وكنت كل ليله لما اهلي يشوفون الاخبار اقول بنفسي متى الحلقه الاخيره

لا انا كنت افكر متىاقضي الصلاه اللي علي قضاء (وقت الدوره) خخخخخخخخخخ
احسب لازم نقضيها مثل الصوم
واقول ان شاء الله اذا تزوجت بقضي كل الصلاه اللي فاتتني
شفتو قد ايه مخي كبير
الحمد لله والشكر