السلام عليكم ورحمة الله وبركاته
بعد تردد حبيت أشارككم خبرتي في معرفة جنس الجنين ببداية الحمل
يمكن فيه اللي ماتوافقني بس بالنسبه لي اعتمدها وانتهى الموضوع
تبدأ سالفتي لما حملت بولدي البكر ومن عرفت إني حامل وأنا أحس مثل
الشد بجنبي الأيسر مو وخز لا شد يعني كأن عضلات جنبي الأيسر
ومن الأمام أكثر شي مشدووده .. وكمان أحس كأن الجنين متكوم بهالجهه
يعني بالشهور الأولى أحس بتشنج برجلي اليسرى من فخذي للساق
واذا جيت ارفع رجلي اليسرى مايطاوعني قلبي أحس بشي ينضغط
وكأني أضغط عالجنين فكنت أحاول ماأرفعها .. والى هنا ماكنت أعرف
وش جنس الجنين الى إن قالتلي وحده من زميلاتي .. إنتي ببداية حملك
كنتي تحسي بالشد وين .. قلتلها بالجهه اليسرى قالت أجل انتي حامل
بولد بإذن الله لأن أختي عندها بنتين والشد جاها عاليمين وبالفعل لما
سويت السونار طلعت حامل بولد .. وزميلتي نفسها عندها ولد وكان الشد
عندها بالجهه اليسرى وحالياً حامل الله يتمملها وحست بالشد في الجهه
اليمنى وعرفت انها بنت وبالفعل طلع في السونار انها بنت .. يمكن
من وحده لوحده تفرق بس أنا وزميلتي اعتمدناها وحملي الحالي حملت
بدون ماأدري وكنت أمسك جنبي اليسار واقول لأمي يمه جنبي
يوجعني يمكن كليتي فيها شي واستبعدت اني أكون حامل
ولما بدت رجلي اليسار تتشنج وتوجعني لدرجة اني اذا وقفت احط
ثقلي كله عالرجل اليمنى واريح اليسرى وشكيت بالحمل وانه
ولد وبالفعل طلعت حامل بالولد الثاني الله يتمملي ولكل حامل
على خير .. وفيه شي مهم بعد أنا سألت أمي الله يحفظها عن هالشي
وقالت الله العالم انها صدق لأني بحملي فيكم يالبنات كانت رجلي
اليمنى تتشنج علي وانا بعد كلام أمي اعتمدت بقوه .. والفضل لله
أولاً وأخيراً اللي هداني لهالعلامه لأني ودي ببنت بس صرت
من أول ماأحمل أعرف الجنس وأكون متهيأه له ولا أشغل بالي
وربنا كريم ان شاء الله اجرب تشنج الرجل اليمنى وحمل البنوته
واعيد واكرر اللي ثبت لي يمكن مايثبت مع غيري اسألوا
أمهاتكم لأن احتمال السالفه عند البعض عكس ..
لكم خالص ودي ..
🌺baby face 🌺 @baby_face_8
محررة برونزية
يلزم عليك تسجيل الدخول أولًا لكتابة تعليق.
نبض الماضي
•
وانا بعد حملي ببنتي رجلي وجنبي اليسار كانت تعذبني وجبت بنوتتي
ام اردن
•
الله يثبت حملك ويقومك بالف سلامه
انا حامل بالثالث بس احس ما عندي علامات محدده لاعرف جنس جنيني
في علامات ثانيه
مثل الوحم او غيره افيديني عندي 3 بنوتات ربي يحميهن ونفسي هالمره صبي بس ما اشعر بشي معين عادي ولا اعراض
انا حامل بالثالث بس احس ما عندي علامات محدده لاعرف جنس جنيني
في علامات ثانيه
مثل الوحم او غيره افيديني عندي 3 بنوتات ربي يحميهن ونفسي هالمره صبي بس ما اشعر بشي معين عادي ولا اعراض
حبيباتي أنا ماعندي غير هالعلامه اللي صارت بالنسبه لي أكيده بإذن الله شد اليسار والتشنج بالرجل اليسار بإذن الله ولد .. والشد بالجهه اليمنى والتشنج بالرجل اليمنى بإذن الله بنوته ..
سبحان الله كلامك ماينطبق علي انا كان الشد بالجهه اليمنى غير ثقل الجنين كله باليمين ومسستحيل طول شهور حملي انام ع جنبي اليمين ... وجبت احلا واجمل ولد ربي يحفظه .. واللحين حامل وباقي بالثالث ونفس الاعراض بولدي الشد باليمين بس احلامي تدل ع انها بنوته .. لاصلحت سونار باخبرك ..
وع فكره اللي اعرفه انو المبيض اليمين اذا نزلت منه البويضه وتلقحت ولد والمبيض اليسار لوتلقحت بويضته بنت .. والدليل ع ذالك انو من النصايح اللي تبي ولد انها بعد الممارسه تنام ع جنبها الايمن علشان تتلقح البويضه اليمين .. هذا اللي عندي ياقلبي من معلومات والاختلاف لايفسد للود قضيه
وع فكره اللي اعرفه انو المبيض اليمين اذا نزلت منه البويضه وتلقحت ولد والمبيض اليسار لوتلقحت بويضته بنت .. والدليل ع ذالك انو من النصايح اللي تبي ولد انها بعد الممارسه تنام ع جنبها الايمن علشان تتلقح البويضه اليمين .. هذا اللي عندي ياقلبي من معلومات والاختلاف لايفسد للود قضيه
الصفحة الأخيرة