اعجبتك فكرة تصميم واكتشفتي انه غير عملي تفضلي هوون..

ابعدي عن اللون الابيض او البيج و خاصة في صالة الضيوف صالة الضيوف كانت كنب ابيض تركي جلس معنا 6 شهور و بعدين غيرناه عشان اللون انعدم مرة وحدة رغم ان ما عندنا اطفال
بعدين غيرناه بلون اغمق ومشجر و صار عملي جدا و ما ينعدم ابد واقدر احط خداديات فيه واتفنن في الصالة هههه
موضوعك روعة ياعسل والكل راح يستفيد منه
جزاك الله خير💐

الجلد وطاوله الزجاج اكبر ندم بحياتي😡

فعلآ موضوع جميل ، وانا من عشاق الديكور .
بالنسبه للاخت اللي تقول لا تختارين مشجر بالعكس أشوف المشجر افضل من عدة نواحي :
1 ـ يتحمل بالذات للي عنده اطفال ، انا عندي ساده وبصراحه تعبني اي شي يبان فيه والمشكله انه شامواه ..
2 - اذا اختريتي تشجيره ناعمه وذوق تقدرين تلعبين بالخداديات يعني ممكن يتشكل الكنب شي ساده وشي مشجر وشي مقلم أهم شي يكون مشكل يعني مايكون كل الكنب على تشجيره وحده .






وهذي أقمشه لتوضيح التناسق بين الألوان

موضوع رائع
الوان الاثاث :الافضل تختاري لون هاديء مثل الرمادي واللحمي والبني , لانها الوان ماتملي منها ابدا, وتقدري تلعبي بالمخدات والاكسسوارات متى ماحبيتي . فصلت كنب احمر وعلى طول ملييييت منه .وابعدي عن الجلد بالاثاث يتقشر مع الوقت .
غرفة المعيشة الافضل لها كنب ارضي اريح واوسع , اما غرفة الضيوف الكنب العادي افضل.
اللون الاسود في الموكيت او السجاد غلللللط لانه يبين عليه ادنى نقطه . لوتكنسيه يوميا ماكأنه نظيف . والرفوف كذلك والمكتبة يبين عليها ادنى غبار بعكس اللون الفاتح والابيض روعه في السرير والدولاب والرفوف ....
احذري الالوان الغامقة في صبغ الحيطان لانها تشعر بضيق المكان وتوتر النفسية . وكذلك التعتيق والخرابيط هذي مملة وتروح موضتها على طول . مافي احلى من صبغ الجدار بابيض او سكري.
سرير النوم الافضل يكون واطي , وتكون الجهة المقابلة لراس السرير مثل الجوانب بدون حواجز .والمفرش يكون مغاطي ماسك على المرتبة ارتب من المفرش ابو كراميش جانبية .وهالمفارش في ايكيا تباع مرة عملية ومريحة بالغسل .

ممتاز الموضوع كل الشكر للي شاركو بنزل موضوع خاص واتمنى الرد