اعجبتني طريقه العضوه شوشو بنكي في قلي السمك والنتيجه اكثر من رائعه

انا في السابق كنت اذا جيت بسوي سمك مغلي بعد ماانظفه اسوي خلطه مكونه من الثوم والبهارات واليمون واتبل بهذي الخلطه السمك واخليها نصف ساعه بعدين اغلي السمك وكانت النتيجه حلوه وتعجبني بس بعد ماطبقت طريقه العضوه (شوشو بنكي) في قلي السمك والنتيجه واو اكثر من رائعه كلمه رائعه شوي عليها وطريقتها انها ماتتبل السمك ببهارات لا والطريقه انك تاخذين طشت او اي وعاء عندك يناسب كميه السمك وتحطين فيه مقدار الكف ملح خشن مع ماء يناسب كميه السمك وتخلينه ينقع فيه لغايه وقت الغلي بس انا زدت عليه من عندي فص ثوم مدقوق او ناعم وربع ملعقه كمون المهم مايكون فيه بهارات زياده وطبعا عمليه النقع هذي بعد مانكون نظفنا السمك وغسلناه واذا جينا بنقلي السمك الزيت لازم يكون عميق وكثير والله ان الطعم خيال الله يجزي العضوه شوشو بنكي خير الجزاء ويعطيها حتى يرضيها وانا اليوم بعد الغداء ومن كثر مااعجبو اهلي بالسمك وطعمه وانا ادعي لها من كل قلبي بكل خير وانا انصحكم انكم تطبقون الطريقه هذي والي تعجبه يدعي للعضوه شوشو بنكي ولا تنسوني امن دعاءكم