ساعات يحتاج الطفل انه يسوي عمليه!
هنا دور الام مهم جدا والاخوان والاب لمساعده الطقل على اجتياز المرحله بكل سهوله
برهوم 6 سنوات قررت الدكتوره انه لازم يسوي 3 عمليات بيوم واحد
قبل بشهر من العمليه عرفت الموعد
القرار الاول نطلع رحله الصيف السنويه
والفرحه وترتيب الملابس وهات وخذ ولا تنسون الكاميرا وهو مشارك معنا
بالسياره والطريق لديزني !
اخوه الكبير هنا صديقه ويقعد معاه كثير ويلعب معاه ويكلمه بكل شئ وبرهوم
يصدق اي شئ منه خع!
اكثر واحد ساعدني بالعمليه من شرا اغراض لاخوه وكلامه معاه!
وصلنا هناك اللعب والضحك بس كل ما تعب قلنا له شوف لو كنت ساويت العمليه ماكنت تعبت!
نحاول انه نوصل له معلومه ان العمليه من صالحه
اخوانه يكلمون كل فتره انه احنا سويناها ومره سهله( لا ساووها ولا شئ ) لا تخاف زي الهوا
ماراح تحس بيها
وانت تتعب وشوف احنا مو تعبانين وانت فيك كذا واحنا لا
يبونه يغار ويصير زيهم:eek:
اسبوع قبل العمليه
كل يوم طلعات لعب وركض لان عقب العمليه اسبوعين قعده
لان لازم يفهم هالشئ والا راح يتعب بس كل ماكان يقول ابي انط اقول له الدكتوره قالت لا
وانت لعبت قبل العمليه ياقلبي
كل يوم مطلعته مكان وكل يوم اكل برا ومانرجع الا فالليل ننام
هالفتره انا اشتريت له العاب وايد هو يحبها وخبيتهم عنه عشان عشان فتره النقاهه مايمل
ساويت لك اشتراك بالعاب على النت جبت له اشرطه فيديو جيم لان لعب برا مافي اسبوعين
فمستحيل راح تقعدين طفل اسبوعين من دون شئ يسليه!
ليله العمليه اخوانه يقولون اي بكره انت راح تصير زينا بخير
ويحضنونه ويبوسونه
الصبح صحيه قبل ماطلعنا ب 10 دقايق بس مابيه يصحى قبل عشان مايتوتر
طلعنا وصلتنا هناك ا
الله اللبس الحلو اللي عطوك والجوارب الحلوه
هاي قبل العمليه يلعب بتلفوني !
وخليك انت متماسكه وكان مافي شئ
مو تبكي الولد يبكي وراك
طلع من العمليه والحمدلله الدكتوره تقول كل شئ تمام من دقات قلب وضغط الخ
بس نايم
هنا التعب عقب البنج الطفل يصحى يبكي ويصيح بشكل هستيري
الولد اللي كان نايم يمه عمره 11 سنه كان يصيح بنات وربي كان قلبي بيوقف لو ولدي كذا
يصيح مره بكاه يعور الفلب كنت ادعي يارب مايسمع برهوم ويسوي زييه!
قعدت اراقبه كل ماقال وواء امسك يده بقوه واوشوه انا هنا ماما لاتخاف انت بخير
بس فتح عيونه انا ركضت افتح الكيس
طلعت له كل الالعاب مره وحده صدمته بهم خع
ماعطيته فرصه يصيح العب بهذا وانط بهذا خليته ناسي وش صار له
كل ماعدا دكتور يقول له وواء عطيني وحده حبيتهم يقول لهم لا
تجي الممرضه عندي بنتين ابي بس واحد يقول لا
ولعب بيهم لين طلعنا اخر اليوم من المستشفى
الدكتوره تقولي هاي احلى طريقه انت ساويتها عشان مايبكي من البنج!
ورجعنا البيت احنا والالعاب وباقي الالعاب طلعناها بالبيت وجيبنا الجيم ولعبنا
وافلام الكرتون والايسكريم ركزوا عليه خع
والحمدلله بفضل ربي ابني الان يتماثل للشفاء
حبيت اقول لكم تجربتي لاي ام عندها عمليه لا تخافي اكثري الدعاء والاستغفار
وسوي كل مابوسعك عشان طفلك
والله الموفق!
والله يحفظه ويخليه لكي يارب