اعدمت ابو الثقه الله يصلحها

السلام عليكم
صارلي تقريبا سنتين اسوق
المهم اختي لها ثلاث سنوات ومن النوع اللي تشوف نفسها
فنانه جدا وانها توب وغيرها ميح فدائما اذا بوصلها بيتها تعيي تقول انا بسوق سيارتك البيتي ثم اذا وصلت تنزلين وتكملين الى بيتك
ومخليتها على راحتها ودائما تعدم وزنية المرايات الجانبيه وتقرب المرتبه ثم اذا نزلت اجلس ساعه ارجع على نفس الوزنيه اليوم قالت سيارتها بالكراج وتبي امرها نروح السوق ومثل العاده هي تسوق انا رفضت قلت ياوخيتي اجلس ساعه اعدل المرايات الجانبيه وقلق خلاص لي سنتين يختي جربي سواقتي من سنتين ماركبتي معاي ولا مره الا لازم تسوقين اسكتت وقالت خلاص امشي سيده كأنها تكلم سواق جديد😂 قلت تراني ادل المكان 🤣انا من قالت امشي سيده عرفت وش وراها وقلت الله يستر منك يا اخيتي وش في راسك
طلعنا مسكنا خريص صار زحمه شغلت الفلشر يقالها تعلمني شغلي الفليشر اذا شفتي زحمه قلت اعرف ترى وش دعوى قالت ماش لو معطيتني اسوق احسن ،، اسكت انا وماشين عادي الا وتزعق زعاق انتبههههههي سياااااااااره بتصدميييييين قلت وينها وفرملت فجئه شوي ويصير حادث طلع. تخيلو سياره قدامنا على بعد ١٠٠ متر ضاغطه فليشر ومنتبهه لها انا شايفتها طلعت تقصدها اختي والله لو ماحط مسافه امنه اللي ورانا كان صدمنا بغيت اسوي حادث بسببها
ماخلصت توها اختي جينا بندخل للمواقف وقدامي سياره واقفه شفت مرايتي الجانبيه وشفت مافيه سيارات وتجاوزتها الا وتزعق انتبهي بتصدميييييين هبلت فيني روعتني تخيلو طريق خريص يوميا رايحه راجعه منه انا بالزحمته وكلش ومتعوده عليه وعلى وقوفه المفاجىء خلتني بتوترها وزعاقها تقل مااعرف اسوق هذا غير كل شوي تعيد انا برجعكم انتي ماتعرفين بغيتي تسوين حادث قلت بسببك وترتيني كم مره اروح للمول هذا ومتعوده على طريقه بس تدقيقك خوفني والله نزلت السوق ارجف خوف ورب الكعبه هبلت فيني يوم رجعنا قلت انتي رجعينا معليش مو ناقصه توتر الله يهديها
طول طريق خريص اختي مركزه معاي يدق جوالها ماترد تقول مقدر ارد بركز معك كأنها هي اللي تسوق
بنات ودي تعرف انها جرحتني بأسلوبها هل عادي ارسلها انه غلط اللي سوته ولالا تخيلو كلمت صديقتي قلت أسالك بالله انتي كم مره امرك هل فيه ملاحظات على سواقتي حلفت بالله انه اعرف زين وهاوشتني قالت من اللي زعزع ثقتك قلتلها السالفه قالت لازم تكلمينها ان اللي سوته عيب لاتمشينها لها عشان ماتتعود ابي رايكم بكل صراحه هل المفروض تفهم اللي سوته غلط ولا طنش تعش تنتعش