اعذروني فأنا اخطأت

السلام عليكم .........

اخواتي العزيزات انا حابة احكي معكم عن موضوع كتير مهم واللي هو انه نحنا اجتمعنا في منتدى واحد لكن هادا ما بيعني انه كلنا من نفس البيئة والمجتمع وكلنا النا نفس العادات والتقاليد ...........

كل وحدة من مجتمع وبيئة مختلفة عن التانية وحتى العادات والتقاليد في امور كتيرة بتختلف ولازم نراعي هاي النقطة لانها كتير مهمة...........

يعني ممكن انا بالنسبة الي شي معين يكون كتير عادي لكن بالنسبة الك عيب وغلط <<< هون لازم نراعي انه البيئة والمجتمع والعادات والتقاليد بتختلف وعلى هالاساس نتعامل مع بعض,,,,,,,,, ولو وحدة منكم شافت علي انا شي ما عجبها او شافت انه غلط او ممكن يأثر على تفكير عضوات موجودات هون ويخالف عاداتهم وتقاليدهم ((يعني يأثر سلبا)) ,,,بتمنى ومن كل قلبي انكم تنبهوني لغلطي احكولي انه هادا شي انتي بتحملي عليه اثم اي وحدة بتقلدك <<<والله العظيم اني راح اقبل نصيحتها بكل صدر رحب واني راح ادعيلها من كل قلبي ............

الا في امور الشرع <<<< كلنا متل بعض في هالموضوع يعني الشرع بينطبق علينا كلنا متل بعض ,,,,,,,,,,,وانا انسانة عادية ومعرفتي بأمور الدين كتير بسيطة ,,,,,,,,,,,, فأي غلط بتشوفوا علي نبهوني واحتسبوا اجركم على رب العالمين .........

يا اخواتي بالنسبة لموضوع مراسلة الاخوة الاعضاء على الخاص <<<<<<<< انا لما حكيت في هالموضوع حكيت رأيي الشخصي وانا هلاء بتراجع عنه ,,,,,,,,,, لاني سألت عن هالشي وعرفت انه غلط ولازم البعد عن اي شي ممكن يأدي لدخول الشيطان فيه ,,,,,,فأنا بشهد الله اني غلطت واني اعلنت التوبة من هادا الموضوع ..........

والله يبارك في كل وحدة خلتني ولو ما كانت قاصدة اني ارجع افكر بالموضوع بشكل افضل واتراجع عن خطأي ...............

ولا حول ولا قوة الا بالله ............