اعراض الانسداد او الالتصاق والله اعلم

السلام عليكم ورحمة الله وبركاته
كيفكم يااحلى وارق بنات
بنات يشهد علي الله ماكتبت هالموضوع الا للفائده

انا تاخرت عن الانجاب لمدة اربع سنوات كل مره اكشف يقولون لي عندك ضعف بسيط ويعطوني منشطات ومايحصل حمل وزوجي حلل وطلع سليم بس كنت احس بالم قوي مثل الم الزائده الدوديه احيانا يعطوني تنويم ويطلع عندي التهاب في المبايض ومن ست شهور سويت اشعة الصبغه كنت احس بالم مو طبيعي وقت الاشعه وطلع عندي انسداد بالانبوبين ويحتاج جراحه
اللي ابغاه يوصل لكم

اعراض الانسداد او الالتصاق
1_الدوره منتظمه بس الالم موطبيعي
2_ينزل مع الدوره قطع متجمده كبيره
3_بين الدورتين احيانا ينزل دم اسود بس مايطول ساعات ويروح
4_الم بالمبايض احيانا خفيف واحيانا قوي
5_الم اسفل الظهر

بس يابنات اي وحده تبدا تعالج تاخر الحمل ضروري تسوي الاشعه قبل مايضيع وقتها على الفاضي مثلي اربع سنوات يقولون لي سليمه والممرخات يقولون ميل ويدهنون وماشفت اي تغير او فائده وحده
واللي عندها اي استفسار انا بالخدمه
تكفون ادعوا لي افرح بالامومه والله احيانا اكون حلمانه ببيبي واصحى ابكي لحد مااتعب نفسيا والله يمر اليوم كله نكد اعوذ بالله من ابليس بس ارتاح بعد قراءة القران
لاتحرموني وتحرمون انفسكم من الاجر وتقول الملائكه لكي بالمثل لكي بالمثل