سلام علي الحلوين
كيفكم ان شاء الله بخير
بصراحة قبل فترة اجهاضت وتوفي الجنين بنهاية الشهر الثالث اللهم اجرني في مصيبتي واخلف لي خيرا منها
وقبل يومين طلعت التحاليل وكلها سليمة والحمد الله
وهذا الحمل الثالث ونفس الحالة يتوفي في نهاية الشهر الثالث
استغربت ايش سبب الوفاة
المهم كثير يقولوا معك التابعة احترت ايش هي التابعة
بحثت لكم في النت عن التابعة ولقيت لكم
---
اعراض التابعه والعلاج ايضا شامل للعين
والسحر والامراض العضوية والنفسية
- احلام بقطط - براعصه - حيات - عقارب - امراة تضحك عليك - او تطل عليك وتخافين منها
- احساس انه احد خلفك ويلحقك واحساس بالخوف
- مشاكل مع الزوج فترة التبويض
- تحلمين انه محارمك يعاشرونك معاشرة الازواج
- تطلع لج كدمات بالجسم او خموش فجاه بعد الاستيقاظ من النوم
- ضيق وبكاء بالصدر وعدم شعور بالامان
- احتباس الدورة وتاخرها وتلخبطها
- سقوط الحمل
- موت الاجنه
- تليفات بالرحم
- نزيف في غير وقت الدورة
- موت المولود بالمهد
اللى فيها شى من هالاعراض واحد او اكثر او كلها يعنى فيها تابعه والتابعه نوع من الجن وظيفتها قطع النسل
العلاج ركزوا معاي :
علاج ينقسم الى اقسام
اولا : نفسك
- تجيبين ماي صحة وتقرين عليه الرقيه بخشوع وقلب منيب او تشترينه من اي راقي ثقه
تشربين الماء الى الارتواء ( تفهمون معاى يعنى تشربينه لحد ما تحسين بطنك امتلاء او حتى لو كانك بترجعين عادى واذا رجعتى احسن بعد دليل انه تابعتك قويه وترفض العلاج بس انت عانديها وكونى قويه بالله وتعالجى )
- جيبي دلو فاضى وحطى فيه سدر حفنه بيدك وحطى عليها ماى مقري وشوية ملح وبعدين زيديها ماى من الحنفيه ودشى الحمام بالمبانيو او الدش وتسبحى بالخلطة هذى ودلكى جسمك فيها زين
- بعدين جففى جسمك بالفوطة ولا تحطين عليه ماى ثانى لا خلى خلطة السدر والماى المقري عليك مجرد طبطبه بالمنشفه
- جيبي زيت الزيتون ودلكى جسمك فيه كله من رقبتك الى اصابع رجليكى والعورة وكل شى طبعا الزيت مقري فيه الرقيه تشترينه او انت تقرين فيه ودهنة وجهك وامسحى شويه على شعرك
- بعدين تجيبين مسك الطهارة اللى هو المسك الاسود وتحطينه على شاش او كلينكس وتمسحين فيه من تحت ( العورة )
* الحين اطلعى من الحمام والبسى هدومك وقولى اذكار النوم ونامى ( هذا برنامج يومى تسوينه قبل النوم لين تحملين باذن الله وتكملين لين الولادة
ياالله خلينا نشد حلينا ونتعالج عن التابعة
يارب يجبر بخاطرناوارزقناولا تحرمنا
وعذرا علي الاطالة
والسلام عليكم ورحمة الله وبركاتة