ماحدا خايف قدي حاليا...الله يستر

شوفي كثير قالوا لي إذا حسيتي بخفة يعني حملك خف عن أول اعرفي إنها من علامات قرب الولادة وهذا صار معاي على نهاية التاسع صرت أحس إني خفيفة رغم إن الجنين عندي مو نازل تحت في الحوض يعني قبل كنت أحس إنه في شي بيطيح مني على النهاية ماأحس شي حتى قلت شكلها الأخت هونت تنزل

ورحت سويت كشف داخلي قبل آخر يوم من الولادة وقالت لي الدكتورة لسه الجنين مانزل والرحم مافتح ولا واحد سانتي اشربي قرفة حاليا وتعالي الأسبوع الجاي اكشف عليك عشان أقولك تأخذين خروع أو لا؟

طبعا رجعت وأنواع التحطيم وقلت لسه مطوله حتى كتبت هنا مع بنات التجمع إني بعوشر معاكم.. وشربت نص كاسة قرفة مركزة قبل ماأنام عالساعة 4 الفجر وصليت ونمت والساعة 9 حسيت بألم في أسفل ظهري يروح ويجي وعالظهر نزلت علي قطع بنية وصار معي اسهال خفيف فقمت جهزت نفسي وتحممت ولاحظت بطني مرة متغير نااااااااازل تحت ورحت العصر عند الدكتورة قالت لي وش جابك انا قلت لك الاسبوع الجاي حاسه بشي ويوم كشفت كانت مفأجاة طلع عندي مفتوح واحد ونص وقالت أوسعه لك لين 2 قلت طيب قالت امشي وإن شاءالله بكرة تولدين طبعا رجعت ومن الخوف قلت لا ماأبغى امشي لحد العشاء واستعنت بالله ورحت مشيت من 8 إلى 9 إلا ربع وخلاص حسيت وقتها الألم شديد بس محتمل ياااااااااااااااااابنات ورحت على طول عند الدكتورة وكشفت علي قامت صرخت قالت ماشاءالله 6 سانتي ونص يادوب تلحقي المستشفى

طبعا صاااااااااااااارت حالتي حالة والبيت صار استنفاااااااااااار وروحتي للمستشفى فيلم ثاني قطع اشارات وعكس الطريق والحمدلله يوم وصلت افتكيت من كشفهم كل شوي طلعوني على طول غرفة الولادة والساعة 11 وربع فتح الرحم 8 سانتي وفتحوا لي الموية وولدت ولله الحمد الساعة 11 و 45 دقيقة...

و ماطولت حتى كلمت ابشر زوجي وأقاربي وصديقاتي كذبوني يقولون دوبنا اليوم كلمناك وصوتك مو تعبان... وفعلا المشي وقت الطلق سااااااااااااعدني كثييييييييييير....

احيانا تتغير حركه الجنين يشد ويتجمع ويفك شوي بدون ألم ويكون هذا نوع من الطلق وغالبا هذا يكون يوم الولاده

غريبه يعرفو المويه قليلة وماتولدي!!
الله يهونها عليك ويقومك بسلامه

انا احيان تكون حركة الجنين قويه

وتجيني الالام اسفل الظهر

وللحين ماجاني طلق

الله يهون علينا ونولد بالسلامه