اعراض الولاده وماتفعله الحامل اذا احست بالاعراض

اختي اعراض الولاده مغص مثل مغص الدوره بس طبعا" اقو بكثير ويكون منتظم يعني يوقف نصف ساعه ويرجع وكل نصف ساعه يجي هذي الولاده الفعليه وبعض الناس تنزل معهم مويه كثيره كأنها حنفيه وبعض الحريم يينزل عليهم دم يعني اذا حصلك وحده من هالاشياء معناته ولاده انا عن نفسي يجيني المغص بالأول يعني ماتنزل علي المويه والدم الا بالأخير وانا على سرير المستشفى وبخصوص شنطة المستشفى اذا رحتي خوذيها معك والله يهون عليك واي استفسار انا جاهزه

اختي ما انتبهت لسؤالك الأخير وش تحتوي عليه الشنطه أقول لك/ وان شاء الله ما انسى شي/لبسه لك اللي هي ملابس داخليه وسروال طويل قطن وشراب وقميص ناعم ومريح /طرحه تلفين بها راسك/ ولبسه للبيبي كامله وبطانيه على شان ما يوجعه البرد وانتي طالعه/ فرشه للشعر وشامبو صغير/فوطه صغيره/قاروره مويه صغيره نقعي فيها مره وكمون لازم على شان اذا هون الله عليك شميها واشربي شوي عن الشمم/واذا بغيتي ادبلي الملابس خليها لبستين لك ولبستين للبيبي احتياط
ونصيحه اقري لك في موية زمزم ورد الولاده وادعيه مثل دعاء الكرب ودعاء يونس ومن يدخل التاسع اشربي منه واذا رحتي للمستشفي خوذي منه بقاروره صغيره واشربي وغسلي بطنك به وكلي تمر او رطب وادعي واستغفري والله بنت عمي والده قبل شهر تقول مفعول الأستغفار عجيب بس ما شاء الله عليها تقول استغفر في اليوم مئات المرات وعند الولاده ما فصل لسانها عن الأستغفار وتقول صارت اسهل ولاداتي / عارفه قلبت راسك بالبربره بس ودي اعلمك بكل اللي عندي حاسه فيك/
بغيت انسى حاجه مهمه جيبي علبه صغيره وحطي فيها قطن شوي بس وبخي عليها كل العطور اللي عندك انتي وزوجك وقبل لا تروحين للمستشفى شميها كم مره وخلاص لاعاد تشميها تدرين ليش على شان بأذن الله اذا رجعتي البيت ومرت عليك العطور ما تشمين والله يستر علي وعليك

انا مع الاخت عزيزه بالاسلام
كلامها صحيح
وشنطة المستشفى تحطين فيها:
2 قميص استقبال لك(المخصص للرضاعه).
بيجامه قطن للنوم
شبشب
ملابس داخلية (كلوتات الخاصة بايام الدورة او ممكن العادية) (2ستيان رضاعه)
وسائد قطن للصدر
فوط نسائية (افضل شي ماركة كوتكس الليلية)
منقوع مره (تنقطين منه شوي على الكوتكس من بعد الولاده على طول لكن لا تحطينه على الجسم مباشره)
فرشة شعر- فرشة ومعجون اسنان.

لبسه واحده فقط للبيبي عشان اذا طلعتي ان شاء الله من المستشفى يلبسها.. اما خلال جلوسك فالمستشفى يتكفلون بلبسه.
اللبسه مكونه من (بربتوز- بدله كامله او بيجامه- طاقيه او قبع- شراب- بطانية قطن تلفين البيبي فيها)

طريقة منقوع المره:
تاخذين كسره من المره بحجم حبة الفول او اصغر وتنقعينها في نصف كاس ماء حار وتتركينها نصف ساعه ثم تضعيها في قارورة وعلى طول على الثلاجة. ممكن تسوينها قبل كم يوم من الولاده بحيث تكونين مستعده.

ولاااااااا تنسين تاخذين معاك ادعية تسهيل الولادة

واذا ذكرت شي ببلغك
والله يهون عليك وعلى كل حامل

oo

up up