اعراض دورتي موب طبيعيه تعبتن :(

السلام عليكم
يسعد صباحكم / مساكم

وشسمه ببدا على طول
دورتي تعبن حيل ادري بتقولون عادي
كلنا مثلتس ونتعب
بس اسمعون انا اتعب قبل ماتجين
ب اسبوعين احيانا
واوقات قبل اسبوع وكم يوم
خلال هالمده وش احس به
صداع وغثيان قوي حيل وعصبيه ومالي خلق شي
وبس اصيح على اي شي ونوم
غير المغص والالم ظهري 
ويمسكن شي بجسمي مثلا يدي
ما اقدر احركها ابد ابدا والله كانه مكسوره اللي يشوفن وتنتفخ مره
والله بس كذا اضمه على صدري
وما احركها ابد لمين تقرب تجين الدوره
ويبدا يخف الالم لمين اقدر احركها
واحيانا اشتهي شي احس تسذا
حاجه داخلي لو ما اكل الشي اللي اشتهيته احس بموت
والله قبل سنتين كانت بتجين الدوره
واشتهيت خبز محمص بس بالزيت
وربي انه نفسي طقت عليه خلاص ابيه
وحلفت علي امي ما اسويه
لانه اختي كانت مولده عندنا وتقول انه يضره وما ادري وش
خلاص جتن الصيحه يوم رفضت
وما اكلته عاد بس الى يومي هذا
وانا احس فين شي من ناحية الخبز
ما ادري كيف اقولكم
شفتوا الوحده لا ضاع ولده همن لقته
تقعد تضمه ويصير بخاطره حزن تسذا
انه ضاع لو صار ما صار
انه تسذا نظرتي للخبز المحمص ههههههه جد والله احس تسذا
فين حاجهه >> ادري مافهمتو

بس من جد والله تعبت مع هالاعراض
اوقات يكون عندي اختبار وما اقدر اذاكر
بسبب هالاعراض 
وربي تعبت ابي شي يخفف عني

هذا ما قبل الدوره
اما لا جتن الدوره حدث ولا حرج
ظهري خلاص احسه بينقسم قسمين
ورجولي بارده وما اقدر احركها والم موب طبيعي فيها
بس طبعا لاجتن اروح للمستشفى ما اقدر اتحمل ويعطونن ابره
وقسم فشله صار الدكتور يعرفن من كثر ما اجيه
بس والله اظطر اروح لانه لاجتن الدوره خلاص امووووت من الالم

لذلك ابي شي يخفف هالاعراض
من تجاربكم موب سمعت وسمعت

والله يسعد كل من يرد او يرفع الموضوع
وييسر له كل اموره ويفرج همه يارب

دعواتكم لي :)