اعراض كورونا والبلشة معها

السلام عليكم ورحمة الله ....


قبل ثلاث اسابيع تقريبا كنا طالعين تمشية لمدينة غير مدينتنا ،،،وفي اثناء الطلعة قام ولدي يصيح من ضرسه ...
ضرسي ضرسي ... قلنا له الحين نمر اقرب صيدلية نجبلك مسكن
لكن بدون فايدة الولد ماسكه ضرسه يومين الم قوي
وديناه المستشفى قالت الطبيبة إلتهاب شديد وصرفت له مضاد ومسكن عبال مايهدأ عشان تشتغل عليه
واول يوم اخذها الصبح ،،صحي الظهر الا الولد بسم الله عليه وجهه وارم. العصر وارم اكثر المغرب نفس الحكاية !
متخيلين كل ساعة او ساعتين يزيد الورم حتى صرت مااقدر اناظر بوجهه ...وياالله يقدر يفتح فمه للاكل
شلناه مستشفى ثاني قالت الطبيبة طالما توه اخذ المضاد لازم يستمر عليه اقل شي ثلاث ايام ...لو ماراح الورم تعالوا فورا ...
قلنا تمام ..استمر الولد عليه وفعليا بدا يخف يوم عن يوم ..
فجاءة ولدي الثاني يتعب زكام وحرارة واستفراغ وصدره ...لكن الثاني هذا طول والسبب عنده مشاكل صدرية ومآخذ اللوز والظاهر هذا اللي خلاه يتعب
وفعليا تعب حبيبي ١١ يوم وهو صبووور طبعه
طبعا بعد الاربع ايام تقريبا فقد حاسة الشم هنا شكيت ...قمت انبه اخته واخوه انه حاولوا تتركوا مسافة بينكم وبين اخوكم احتمال كورونا مدام مايشم عبال ماتطلع النتيجة ،،، نط اخوه الكبير ابو ضرس ههههه انا برضو مااشم من يوم قام علي ضرسي ..نطت عيوووني فيييه وساكت ليه؟.
وفعليا طلعوا الاثنين ف***م ايجابي ...
يعني لو الثاني مامرض ماكنا عرفنا ان الاول كورونا ... لأنه ضرسه وجته شوي سخونة قلنا اكيد من الالتهاب والحمدلله ماجاه اعراض ثانية بس نووومه صاير كثير هو واخوه
الغريب ان سلفتي مرضت قبل شهر و نفس الحالة اضراسهم اللي قامت عليهم اول ثلاث ايام هي وامها ...
والله صار الواحد مايعرف يهوجس بالزكام والا بالاضراس ....
والحمدلله اللي سلم ولدي من تأثير المضاد في الوقت اللي عنده كورونا ولانعرف...
وحقيقة مانعرف حتى من وين لقطوا العدوى...
وحاليا الحمدلله الاثنين وضعهم تمام يارب لك الحمد الا انهم لازالوا فاقدين حاسة الشم نهائي....