احس عادي يسافر فيها بيحج بعتمر كيفهم ولدها امنعها عنه انا ماررضاها ع نفسي ليه ارضاها والحمد الله علاقتي كثير حلوه مع خالتي لابد من المناوشات بس ملح المحبه

اختي الزوجات مو مثل بعض ونفس الشي امهات الازواج مو مثل بعض والازواج مو مثل بعض
يعني اذا الزوجه مترفهه وماخذه حقها ثالث ومثلث عادي يكون لامه نصيب من روحاته لكن والله اذا كان مطنشها ومهمشها وما تروح معه ولا تجي ولا كأنها في حياته يعني السفريات مثلا او المشاوير الرايقه لا انا اولى صراحه او انا نروح كلنا سوا عادي
لكن المشكله تجيك ام الزوج تبغى ولدها بالحاله وما تبغى معاه احد برضه ما اختلفنا بس من حق زوجته تخرج كمان وتسافر
واحيانا تلاقي بعض الرجال ما يبغى امه تروح معاه يعني هي ما هي قاعده ثابته
العلاقه هذي فيها مد وجزر
وعلى حسب كل ام ولدها وزوجته ...
اعرف واحد تطلبه امه يوافق بس يروح عند زوجته تضيع علومه
وواحد يترجى امه تروح معاه وترفض
وواحد اذا ماراحت امه ما يودي زوجته
وهذي هي الحياه مالها قاعده ثابته
انا ام وزوجه عادي ام زوجي تجي وتروح بس المشكله لا خرجت معاه ورجع زوجي مقلوب مزاجه علي وش اسوي ...
لسه ما جربت اني اكون ام زوج بس قريب ان شاء الله
حدودي لا بغيت مشواري يوديني وين ما ابغى وبس كيف ما ادري ...... ما تعبت وصبرت وتحملت هالسنين عشان ادور سواقين والا اقعد بحاجتي في صدري ما حدا يقضيها لي ....

اي امه ولها كل الاحترام
لكن اذا ظلمت وجارت انطبق عليها حكم الظالم امام الله
لانه سبحانه وتعالى مايرضى بالظلم

والله لايحرق قلوبكم ياللي تقولوا امهات ازواجنا جايين تمام لاننا طيبنا خواطرهم

ياحرام تدعي عليها بالموت علشان بتسافر مع ولدها هذا ولدها حرام ربت وتعبت وتلاقين حاطه امال واحلام علي هذا الولد بالاخير كذا تدعين عليها تخيلي مرت اخوك تدعي علي امك حنا ماندري عن الضروف اللي حدتك علي كذا بس الله يهديك وترا فيه امها استغفر الله اذا كرهت مرت الولد خلاص تحط فيها وتظلمها وفيه بعضهم سكر وفي بعض الزوجات ظلمات اذا زوجها عطها وجه خلاص قلبت علي الام ولو انها حبوبه وعسل وفيه كذا وكذا والناس اجناس والله يستر بس هذي امه اصبري وتحملي وربي يعوض صبرك خير هذي ام ما نقدر نقول غير كذا بالاخير الزوج لازم يعطي زوحته حقها وامه حقها يعني مو حلوه تخذ امك وتتمشى وتخلي زوجتك او اذا يقدر يعوض الزوجه بسفره ثانيه عادي ولازم يعرف نفسيه امه وزوجتك والله يعينه علي رضاهم والافضل انو يخذهم كلهم مع بعض احس واجر له حتى ربي يكرمه لانه ما كسر بخاطر احد لازوجته ولا امه واذا هم مستحيل يصرون مع بعض يسفر وامه وبعد فتره زوجته وخلاص انتهينا وبنهايه تعتمد علي ذكاء الزوج وحسن تدبره لا ضرر ولاضرار

والله لو الولد يفكر يطلع امه طلعه خاصه لها ويحسسها انه مهتم فيها والله ماراح تغار من حرمته لو يخصص لامه يوم واحد بشهر
تمشيه لها راح تفرح وتحس انها لها مكانه عنده لو يخصص بسنتين مره يسافر معها ولوحدها والله ماراح تحس ان ولدها اهملها
انا الحمدلله مو مدح فيني بس زوجي ماشاء الله عليه احيانن اذا صرنا نتمشى بسوق يشوف لبس يعجبه ويتذكر امه تقريبن اغلب
لبس عيد الفطر تلبس خالتي من ذوق زوجي لو تشفون الفرحه بعيونها والحين توصي ولدها الي اصغر منه تقوله خلك مثل الخوك كل ملابسي من ذوقه وغير المصروف الشهري حقها الي يمشيه زوجي لها واذا ماعطها بالشهر جمعت وطلبتهم سوى ويصير لها مبلغ انا ما القول ان زوجي مره بار في والدته لابد من القصور الله يهدينا ويجعلنا من البارين بوالدينا

((بس انا هنا موقفي اشجعه ماخليه يقصر واذا قصر ذكرته والله بكذا ام الزوج تبي تحس ان ولدها صار احسن معامله لها بعد الزواج بعض الزوجات الله يهديهم تحسب زوجها ملكها وياويل احد يطلب من زوجها شي تسويها قضيه على زوجها لمين تبعد الزوج عن اهله وتبون ام الزوج ماتكره زوجت ولدها))