[Faith] :

باكتب رد مطول يمكن تستفيدين منه.. اولا انتي باين مره مضغوطه حتى بطريقة كتابتك للمشكله افكارك مو مرتبه ونفسيتك تعبانه ومشتته.. امسكي ورقه وقلم واكتبي اش اللي ضاغطك ومتعبك كنقاط، وهل تستحق مثلا الانفصال او النفسيه اللي انتي فيها؟ هالطريقه صدقيني تنظم افكارك، وتحسسك انه في نقاط مهمه تستحقي توقفي عندها وتحطي لها حلول، وطباع لازم تستحملينها لانها من طبيعته كشخص، ولازم اي متزوجه تتقبل بعض النواقص من زوجها وتراعي وتمشي علشان حياتها تمشي.. شي ثاني راجعي نفسك، دايم احنا الحريم نقول صبرت وضحيت وفي النهايه تجي تلاقين انك قدمتي كثير شغلات هو ماطلبها منك، وقدمتي له التضحيه بطريقتنا احنا كنساء مو كتفكير الرجل، او ماهو الشي اللي يحتاجه منك زوجك فعلا.. ابحثي عن النقاط اللي جالسه تقدمينها وهل زوجك طلب منك هالشي اولا، هل هي شي ايجابي بالنسبه لزوجك او انتي شايفته انه شي ايجابي بس ماتدرين عن راي زوجك فيها.. الشي اللي بعد كذا انتي تقولين انك ماتعاملينه كند لك، بش دايما اللي شخصياتهم قويه مثل ماانتي ذاكره تتصرف بطريقه هي متعوده عليها، مثلا جا شكالك قمتي تنتقدين او على طول تبحثين عن الحلول وهالشي يزعج اللي قدامك، اذا تكلم اسمعي فقط ولا تعطين حلول الا لو طلب، لاتذكرين لزوجك مدح الناس لك في الدوام او عموما لانه ممكن ماخذ فكره انك متعاليه بسبب مدح الناس فحاب يكسر هالشي فيك.. في رجال يفتخرون بانجازات زوجاتهم وفي رجال لا مايحب الزوجه تكون افضل خصوصا في المجال العملي واغلب الرجال الشرقيين كذا، فلاتمدحين نفسك قدامه.. اذا طلبتي رايه في شي وماعجبه او مامدحك تقبلي وخذيها بروح رياضيه وقوليله طيب وش رايك؟ كيف ممكن اسويها بطريقه افضل من كذا؟ يمكن عنده راي او رؤيه ثانيه، ولاتزعلين وتتحسسين او تحسين بقل ثقه بسبب موضوع تافه.. طيب نجي لنقطه ثانيه كيف علاقتكم الزوجيه؟ هل فيه مجال للتجديد فيها ولا شي رتيب كانه واجب، لانه كثير مشاكل تنبع منها والزوجه ماتدري، نجي لنقطة الاولاد ترا اغلب الرجال مثل زوجك، بس حاولي بشكل بسيط انك تشركيه، عززي فيه كل يوم شعور ايجابي اتجاههم، قوليله مشتاقين لك، يحبونك، يتكلمون عنك وهكذا، ومع الزمن شويه شويه اشركيه في التربيه وخليه ياخذهم ويمشيهم او حتى يروحون معاه بقاله ويرجعون.. الكلام والمشاركه من الزوج شي ماتقدري تاخذينه من زوجك بالغصب او باي طريقه، الا طريقه وحده وهي الدعاء، الجاي لله وانكسري بين يديه انه يردلك زوجك رداً جميلا، تقربي من الله بالاستغفار وقراءة سورة البقره والدعاء صدقيني بتتغير حياتك كثير وترتاحين، لا تركزين على زوجك وانه مايجلس معك والله اغلب الرجال كذا لا يجلس ولا يشارك لكن البعض مختلف بتسخير من الله فالجأي لله.. ترا هذا حلك لكل مشاكلك، ماعندك مشكله عويصه تستحق الطلاق، بس اللي واضح لي انه فيه بينكم حواجز واختلاف في الشخصيات والتعاطي مع الامور، مثلا انا اشوف انه مولازم يستشيرك في كل شي يسويه ولا باس لو اختار بنفسه خصوصا انه باين كذا طبعه.. ارجع واقولك ادعي الله يلين قلبه عليكم، ويريحك من القلق والتفكير، وداومي على الاذكار والقران والله بتشوفين سعاده مابعدها.. شي ثاني اشوف انك تاخذين اجازه اسبوعين ع الاقل تريحين نفسك وترتبين افكارك بدون سفر، فقط اجلسي بالبيت ودلعي نفسك وكافئيها، اخرجي افطري برا وغيري روتينك شوي وصدقيني بترتاحين.. الله يكتبلك مافيه الخير ويردلك زوجك وييسر امورك ❤️

باكتب رد مطول يمكن تستفيدين منه.. اولا انتي باين مره مضغوطه حتى بطريقة كتابتك للمشكله افكارك مو...

:أماني: :

عن جد يا اختي مضغوطه ومتشتته وتعبانه احس بثقل على صدري حتى النفس يالمني انا ماابي الطلاق مافي حد يبي يضيع حياته واعرف صعب الاقي واحد زيه. وانا مااقوله خل ننفصل لانه مره قلتها وزعل كثير وظل متاثر فتره طويله يقول مو سهل على زوج يفتح بيت تجيه زوجته تصدمه. وعن جد احتاج انظم افكاري لاني مو فاهمته كلمته اليوم قلت له بخلي الاطفال مع امي ولازم نجلس نتكلم. ابي افهم بس وش يبي وبالنسبه لكلامك عن جد مرات اذا يقولي شي لا شعوريا اعطيه حلول وافكار لانه شخصيتي كذا وعن جد مااقدر اشحت منه شي بالغصب بس مؤلم الاحساس لما تكونين انثى تبين تدلعين وتحبين وتعطين المشاعر وتنحرمين حتى من انك تعطين وتقدمين مش بس انك تاخذين والمقابل. انا احس بغصه ودي احبه واعطيه بس مااقدر كل مااشوفه صاد عني. علاقتنا الزوجيه لابس فيها بس قليله مرات تعب مرات زعل مره مسافر عمل يعني. ومرات بسبب العيال نامو متاخر وتعبانين. شكرا عزيرتي

عن جد يا اختي مضغوطه ومتشتته وتعبانه احس بثقل على صدري حتى النفس يالمني انا ماابي الطلاق مافي...