اعرف انكم بتسمعوني

حبيبتي هل اخوج مراهق؟؟؟ ولا لا
اذا كان مراهق فصدقيني هذه مرحله وتعدي ان شاء الله لان معظم الشباب في سن المراهقه يسوون اعمارهم ريياييل ويعتقدون ان بطريقه الرفض او الضرب بيكونون رياييل بس ان شاء الله يوم يعدي هالمرحله من عمره بتخفف عنده هالحده والعصبيه وبيكون راكز ان شاء الله...

بس اذا كان اخوج عدى مرحله المراهقه فلازم ترمسين الوالد او الوالده او اخوج العود عشان يوقفونه عن حده ولازم تبينين له ان الحين انتي في عصمة زوجج ولا لاي مخلوق له الحق في ضربج او التقليل من احترامج وحاولي انج تتودين له وتتحبين له عن طريق الهدايا تعطينه الهدايا وتسألين عن احواله بالطريقه هذه بتكسبين وده ان شاء الله وصدقيني الكلمة الحلوة والطيبة بتكسره وغصبا عنه بيحترمج وبيحبج وبيسويلج قدر...

لا تنسين حبيبتي انج تدعين في صلاتج ان رب العالمين يهديه ويكون لكم العون والسند في الدنيا ودايما ادعي اللهم حبب اخي فيني وحببني فيه وان شاء الله رب العالمين يهديه وتبشرينا عن جريب انه تغير للاحسن والافضل.....

لا تحطين في خاطرج ولا تزعلين وخصوصا انج حامل وصدقيني باجر هو بيستوي خال عيالج وبيحبهم وبيحب امهم ان شاء الله ......

الله ايعينهن
لازم اتكلمون اللي تكبر عنه مثل الوالد
وعليج بالكلمه الطيبه لانها الكلمه الطيبه اتلين الحديد
والله يكون في عونكن وعون خواتج
والله يهديه ان شاء الله

لا حول ولاقوة الا بالله هذا ماينفع فيه الا ريال كبير من العايله يوقفه عند حده او الوالد نفسه يقوله مالك شغل بخواتك اهم مسؤولين مني انا واخوانهم انت ريح عمرك
موطبيعي صراحه انا تنرفزت شلون انتوا اصلا مايحقله يهاوش شلون اذا وصلت للطق
بعدين اذا ماعقل تقدرون تسوون عليه محضر عدم تعرض بالمخفر هذا اذا في راسه بلى ماخذ راحته مو عاقل هذا الحل الاخير

أختي الكريمة

الله يعينك على هذا الأخ

وأسأل الله له الهداية والرجوع لعقله

أنصحك أختي بعدة أمور وقد يكون علاج المشكلة في أحدها أو فيها جميعاً

1/ حاولي عدم التصادم معه قدر الإمكان
2/ لا تناقشي أمورك التي تعرفين معارضته لها أمامه
3/ إجتهدي في كسب رضاه بالأمور التي تعجبه
4/ ابحثي عن أشياء يحبها وأحضريها له على شكل هدايا
5/ اتصلي عليه كل فتره وأخبريه أنك مشتاقة اليه وتريدين الإطمئنان عليه
6/ أظهري له المودة والمحبة والنصح كلما لقيتيه
7/ إمدحيه في حضوره ، وأثناء غيابه وحاولي أن يعلم بمدحك له
8/ وأخيراً وهو الأهم عليك بالإجتهاد في الدعاء له بالتوفيق والهداية

وبالتوفيق أختي

الله يهديه يارب ... بس لازم ابوج يوقفه عند حده ويمسك ايده عن خواتج ... لابكره يسبب لهم كسور وعاهات .. وهم توهم بنات

الله يهديه