شوفي انا ماعندي اطفال وبيتي دايما مرتب بس مالي خلق استقبل احد لان نفسيتي مو شي ولا لي خلق واغلب الحريم مايراعون نفسية المتأخره ودايما يحرجونها تصدقي في وحده طيبه وبنت حلال ودايما تعزمني بس تحرجني مابقي احد ماقلت له انو ماعندي اولاد ودايما تدعي لي قدام الناس وانا انحرج منها لانها حرمه كبيره وع نياتها عشان كذا حتى لو عزمتني اعتذر منها فانتداعذري صديقتك اكيد نفسيتها مأثره عليها من ناحية شغل البيت وتفضل تطلع عشان تغير جو

بعض الناس تحكمهم المزاجيه أحياناً بمثل هالأمور
ماتدرين وش ظروفها و أيش إلي غيرها
لذلك لا تعزمين نفسك عندها حتى ماتحرجك ولا تحرجينها
إذا بخاطرك تعزمينها إعزميها و بنفس سمحه و المهم تتونسون مع بعض
و تمشون الوقت سواء عندك أو عندها لازم نتغاضى شوي ماراح نحصل
إنسان كامل لا بد من بعض الحركات إلي ما نتقبلها بس نقدر نفوتها

لاتلوميها ربي يرزقها ممكن توفر فلوسو تجمع للمرخات والتحاليل والمستشفيات ادعيلها ربي يرزقها مدامهت سمن على عسل خلك كذا لين تعزمك

مدامهت اقصد مدامها

انا عندي جارة ماتعزمني ابدا
وانا كل مااخذت فترة اعزمها وتجي متى ماناسبت لها
احيانا اقول هي ماتستحي اعزمها ولاتعزمني
وهم اغنياء وعندها عيال وتحب الصغار والحرمه شغيلة وبيتها نظيف يعني مالها عذر ابد
ومع ذلك تعزم اقاربها ولاتفكر تعزمني معهم

حرمه غريبه جدا
ومع ذلك خلاص عذرتها اكيد لها سبب معين وصرت اعزمها بين الحين والاخر واذا جاني احد مااضطر اعزمها لاني مااستحي منها لانها لو كانت تعزمني بستحي لكن والحال كذا مريحتني على الاخر


بالنسبة لك جربي معها فترة خلي علاقتك معها طبيعيه لكن لاتعزمينها ولا تعزمين نفسك عليها
واذا طلعتي او زرتي احد علميها يعني بيني لها انك لك علاقاتك ومنتي مجبورة عليها لحالها

وشوفي يمكن تتغير بعدها