اعزمي أهل زوجك ووريهم شطارتك......المندي بطريقتي..

اعزمي أهل زوجك بقلب جامد على......


كاتبتلكم اليوم طريقة عمل الرز واللحم المندي بطريقتي، بس من غير تحديد للمقادير لأن المقادير حسب المعازيم:


المقادير: رز حبة طويلة (أفضل الشعلان دايماً) / لحم أو دجاج حسب الرغبة /الأبازير(هيل حب/ قرنفل حب /مستكة/ فلفل اسود مطحون / هيل مطحون / كمون مطحون / بهار مجمع مطحون) مقادير الصلصة(معجون طماطم/الأبازير المطحونة السابقة/صبغة الزعفران /زعفران مطحون ناعم /ملح / ملح ليمون/ ملعقة صغيرة سمن (أفضل الفارم أو مازولا) / فحمة مولعة / صنوبر محمص / زبيب مقلي / لوز مشرح ومحمص..

الطريقة: تسلق اللحمة جيدا مع الأبازير(الهبل الحب والقرنفل ) تصفى اللحمة مع الاحتفاظ بالمرق.
يقدح القليل من السمن في قدر ويضاف له المستكة بس حبتين. أرمي عليه الرز طبعاً المغسول والمنقوع في موية حارة لمدة عشرة دقيق. أضيفي عليه مرقة اللحمة المملحة طبعاً ولا تحطي هوية كثير عشان ما ينهبص عليك (ينهري) يعني الموية تكون بارتفاع 3سم تقريباً وخليه على نار هادية .

جاء دور الشغل المظبوط.... حطي اللحمة في صينية فرن وجهزي الصلة مع إضافة البهارات المطحونة كاملة وإضافة الموية طبعاً أدهني اللحمة بالخلطة هذي بفرشة الدهن علشان إيدك ماتصفر وصبي باقي الخلطة عليها وحطيها في الفرن وحمريها ...... بعدين خرجيها من الفرن وحطيها على الرز وهو في القدر راعي إنه القدر اللي تتطبخي فيه الرز يكون كبير ... جيبي زبدية ستانلستيل أو أي نوع يتحمل الحرارة طبعاً شي مرة صغير وحطي فيها ملعقة سمن صغيرة وحطي على الجمرة المولعة حيطلع دخان كتير غطي القدر بسرعة وغطيه بمنشفة مطبخ للإحتفاظ بالبخار وأتركيه دقايق ..... طبعاًً إذا باقي خلطة ضيفيها على اللحم وعلى الرز علشان الرز ياخذ اللون الأصفر قليل جداً يعني بس الطبقة اللي فوق .....

التقديم: شيلي اللحمة على جنب واغرفي الرز بعد تقليبه بالشوكة الكبيرة عشان يتفكك من بعض وتكون كل حبة لحالها وحطي فوقه اللحم وزينيه بالصنوبر واللوز والزبيب.... وبألف هناء وعافية يارب