اعز اخواني يدق علي يصيح ويبكي من الهم؟؟؟؟؟؟؟؟

السلام عليكم
كيفكم اخواتي



قبل اسبوع دقيت على اخوي وكان ضايق بالمره وسالته قلت وش فيك
قال مافي شي
بعدين قالي انا مهموم
واصريت عليه وانصدمت لمى بكى وكان بكاءه بحرقه وبالم
صحت معه وبكيت قلت وش فيك ياخوي علامك عسى ماشر
قالي بهالفظه
ولدي ولدي ولدي
قلت وش فيه
قال ياخوك ولدي طلع فيه ضمور بالمخ
صحت وبكيت وقلت له وش دراكم قالي الدكتور قلت كذابين لاتصدقهم
يابنات كنت في موقف صعب صعب اني اشوف اخوي يبكي ولاهو عندي اقدر اهديه
تمالكت نفسي وسكت وسكته وحاولت اهديه
قلت وش لون دريتم
قالي برازه كان اخظر واستغربنى ورحنى المستشفى وقال لازم اشعه ولمى سوينى الاشعه
قالنى الدكتور ولدكم فيه ضمور طبعا انصدم المسكين قال اخوي وش سببه قال ياوراثه ياوقت الولاده نقص عنده الاكسجين
الغريب الدكتور يقول لاجى عمره 8 شهور نحدد الضمور الاكيد
لان الولد عمره 5 شهور
ويقول اخوي والله مالاحظنى عليه شي حركاته حلوه وضحكه وفرفشته
وللمعلوميه امي قد حابت 2 وماتو كلهم كان معهم ضمور ماكملو سنه
وكل تفكيري الان انا خايفه ع اخوي لانها اول فرحه له
مع انه صابر ومتوكل ع الله
السؤال؟
هل فيه وحده منكم مرت بهالتجربه انا تعبت من كثر ماافكر
صحيح الاعمار بيد الله
كل شوي افكر بيكون معوق مقعد مختل ولا بيموت
وها له غلاج تعرفونه تدلونى عليه ؟
او حريم يصبخون علي الولد
او ماله علاج ابد
مع ان اخوي يقول باذن الله اشيع مره ثانيه وماراح القى شي فيه موقن بالله
انا قالت له تصدق بنيه شفى ولدك
وادع له في اوقات الاستجابه مافيه شي مستحيل ع الله


ارجو الافاده منكم لاني ماراح القى تفاعل الا عند بنات حواء هم لها لشدايد فلا تخذلوني لاني اول مره اشارك بهالقسم
دعواتي لك وحده ترد ع موضوعي
ويارب تدخل الجنه الي ترفع الموضوع
الله لايحرمكم الاجر