انتي رتبي يومك وقبل كل شي السهر لا للسهر لا تسهري احنا ما نصدق عيالنا ينامو نقول برتاح ونسهر ونتابع تلفزيون وما ندري انه السهر يتعبك وقلت النوم تزيد الكسل الوحده عمرها في العشرين كان عمرها 60 سنه حريم اول ينامو بدري ويصحو بدري وشغل طول النهار وبدون تعب فيه عجايز اعرفهم للحين وهما ماشاء الله ينامو بدري ويصحو بدري .
رتبي يومك من الساعه 8 او 9 ترتبي وتنظفي طبعا بعد ما تفطري وتخلصي شغلك الساعه 2 او 3 وبعده خلاص حتى وجبة العشاء وتغسلي صحون العشاء وبس غسيل الملابس يوم السبت والثلاثاء وترتيبها الاحد والاربعاء والعزايم ماله داعي ايام الاسبوع الي بيجيك حياه الله يوم الخميس الجمعه ومو لزوم كل اسبوع ضيوف انتي روحي لهم اطلعي انتي وعيالك وزوجك يعني انتي بكيفك تتحكمي بكل شي انا هذا جدولي اسبوعيا ارتب جدول لتنظيف البيت كله يوميا لحد الساعه 3 وبس لعلمك بيتي دورين وحوش كبير وبدون شغاله وعندي اطفال والله يعنك ويعينا وخلي الكسل ولااااااااااااااااااااا للسهر

هلا اختي احس انك مكبره السالفه وهي صغيره ترى معظم الناس ماعندهم شغالات وعايشين واذا زرتيهم احسن الضيافه يحطونها لك بعدين اهلك وخوانك مو غربا عشان تشيلين همهم يعني نظمي بيتك من بدري او قبلها بيوم جيبي شغاله كل اسبوع تسوي التنظيف العميق ام السطحي انتي سويه غير كيذا اذا جو قفلي على الالعاب الصغيره عشان ما يحسون البيت والمجالس وغرف النوم وسوي حلى نوعين للقهوه وعشاء من برلى وسلطه وجريش والحمدالله بها الشكل راح تنقطعين عن الناس اذا كنتي بتعشين بدون شغاله لازم تتاقالمين وتنادين وتعزمين بتتعبين اول شي بعدين خلاص انا كيذا والله بس الحمدالله تاقلمت وصرت اعزم بس ما قدرت استغني عن الشغاله الي با اليوم بصراحه مره تساعدني

ياحبيبتي هذا مو كسل هذا عدم تعوووووووود ماتعوودنا نعيش بدون شغالات
اول بيتك كانوا قايمين فيه شخصين انتي والشغاله الحين تبين تقومين بشغلك وشغلها بنفس الوقت؟ مايصيرر
الشغاله شغلها تنظف البيت وبس لكن انتي حاليا تنظيف البيت ومقابل عيالك وزوجك واهلك وقرايبك ونفسك قبل كل شي يعني هالشي يبيله تنظيم عشان ترتاحين ولاتقارنين بقبل

شوفي حبيتي .. البيت بدون الشغاله اريح نفسيا بكثير لك اذا عرفتي تنظمين حياتك
اول شي البيت مين قاللك انه لازم يوميا تشتغلين بكل ركن فيه وتخلينه يلق لق؟ محد يقدر على كذا الا سوبرمان خخخ او وحده متفرغه ببيتها تتسلى فيه ولا عندها شغله الا هو
والاكل من قال الواجب يكون الغدا والعشا اكل دسم ومتعوب فيه هذا لحاله ياخذ كل الوقت


اذا كان فيه دور مخصص للمجالس خلاص هذا نظفيه واقفليه ولاتقربينه لانه مافي شي راح يوسخه

وخلي يومك يختلف .. يوم تنظيف غرفة المعيشه ( التنظيف يكون سريع مهوب تجلسين ساعتين ) عودي نفسك على السرعه
والحمام يوم بعد يوم ويكون تمسيح سريع والتنظيف العميق خصصيلها ايام معينه على حسب الحاجه
ويوم الغسيل والكوي ويوم السطح او الحوش ويوم غرف النوم ويوم المطبخ .. وهكذا ومع الوقت راح تحسين ان الشغل اللي كان ياخذ منك ساعه اخذ منك نص ساعه فيمديك تسويين شيئين بنفس الوقت

والعزايم قبلها بيوم نظفي المجلس والاكل الرئيسي من برا وصينيه من الليل تسوينها ووبالفريزر وسلطه والشاهي والقهوه والصحون ترتبينها قبلها بلبيله تطلعينهم والفناجيل حتى الحلا والمعجنات من برا مايحتاج الكرف الزايد اللي ماله لزمه

وطبخكم انتم الغدا هو اللي خليه دسم وطبق واحد مع سلطه وكثر خيرك ماله داعي البوفيه المفتوح وزوجك بيقدر والعشا مايحتاج الدسم ساندوشتات بيض جبن لبنه وخيار طماطم نواشف اي شي فيه الخير وناموا خفيف احسن اخف لا تعقدين المسأله حبيبتي وصدقيني مع الوقت بترتاحين وتشوفين الشغل هين وبسييييييييييطهذا اذا ماحسيتي بفراغ وطفش بعد من الفضاوه اهم شي لا تكومين كل شي وتسوينه بيوم واحد وتنظفين البيت كله شغلك اليومي خليه ترتيب الفراش اول ماتقومون وتكنيس غرفة المعيشه والغدا وتمسيح الحمام سريع والعشا الخفيف واي شغل ثاني مخصصته لهاليوم يختلف عن الايام الثانيه حتى المبخره جيبي ام الكهربا وخليها عند الفيش شغليها بعد التنظيف عشان ماياخذ منك وقت وانتي ابتكريلك افكار تساعدك على الاختصاااار واهم شي قبل لاتنامين تسبحين 33 مره وتحمدين الله 33 مره وتكبرن 34 مره وتثقين انك اسنع زوجه وقد المسؤليه بس توك باديه ويبيلك وقت على التأقلم


انا كنت ابي شغاله اول ماتزوجت واحس الشغل كئيب وماكنت اقدر الحق على شي الحين احس نفسي فااااااااااااضيه والبيت الحمد لله وش زينه


واعذريني على الهذره الواجده بس تكلمت ونسيت نفسي خخخخخخ

الله يعين بس


انا نفس الحاله بس شقتي مرررررره صغيره لذلك اعتبر نفسي كسوووووله

ياحبي لكم ...كل مافقدت حماسي جيت هنا اخذ لي قوه هههههه
فعلا يمكن انا اللي مسببه الازمه لنفسي ...مو متعوده على الشغل الكثير ...
واحب البيت يلق لق ..واموت قهر لما اشوف شي مو مرتب او حمام مو مغسول ...
تركيبتي كذا ...ابي كل شي على اصوله عشا وغدا محترم ...بيت فيه ضيوف على طول ....ترتيب وريحه حلوه ...عشان كذا اتازم لما اطلع فوق القى الصاله مو مرتبه ..
للاسف اهلي يبغالهم قومه وحط ...لازم ضيافه محترمه ...هو كذا وكلهم كذا...مااقدر اشذ شكلي برتب نفسي يوم ولا يومين بلها عشانهم..

الاخت لاعبه تنس
من جد كلامك مريح ولايهونون البقيه...
انا يوميا اللي اسويه:
ارتب الصاله السراير-اكنسها-اطبخ غدا-اطبخ عشا-ارتب المطبخ وامسحه اذا ضروري+شغلتين اضافيات يختلفون كل يوم مثلا يوم مسح مجالس
يوم تنظيف عميق غرفه النوم
يوم تنطيف عميق للمطبخ
او يوم طبخه محترمه وتطنيش للتنظيف
وبكذا يكون الشغل خفيف ...ومريح
لكن كنت لما اشوف جداول البنات هنا تعقد من نفسي ..
ماشاالله الله لايضرهم يقومون من 5 الفجر وهات يا غسل حمامات يومي وطبخ وتبخير ومسح ارضيات و و و الخ
يعني الشغل اللي اشتغله اا في اسبوع يسوونه في يوم
ويقولون نشتغل 4-5 ساعات وخلاص<<<فعلا الشغل ماياخذ اكثر من كذا:(
لكن عن نفسي احس مالي خل اسوي كل ذا اموت....لو اششتغلت 5 ساعات يتنرفز وبعصب وبكون باسوأ حالاتي ...
وهذا اللي مضايقني من نفسي ...
كان ودي اشتغل متواصل للظهر واتغدى وانا م شوي واكون فاضيه بعد العصر ..وعارفه انه فيه وقت بس الكسل ذبحني مو كل يوم لي مزاج..
عموما ادوشتكم وحبيت انفعكم باللي توصلت له من هالموضوع:)مايستفاد يعني :
-كتبت على ورقه لزقتها على الثلاجه اعمالي اليوميه (اكتبها بالليل)
يعني -تنظيف غرفتي
-تنظيف المطبخ
-تمسيح المجالس
وتكون هذه اعمالي الرئيسيه وعلى اسااسها اقسم شغلي الباقي ...شِلون ؟؟؟
يعني اذا يومي مليئ بالتنظيف خففت الغدا لمكرونه سريعه او اي شي سريع بحيث يبى لي وقت للشغل الرئيسي
اذا حسيت ان يومي فاضي مثل اليوم برنامجي اللي كتبته:
-طبخ غدا
-تمسيح المجلس
-ترتيب الدواليب
لاحظتوا مافي شغل كثير ؟؟؟عاد ناويه اسوي لي طبخه تكون اثقل شوي من الخفايف ...وطبعا يعتمد على المزاج :)
وكل مهمه اخلصها احط اكس عليها ....واللي مااخلصها تنشال لبكرا ...

القسم الثاني
قررت احط لنفسي مهمه كل يوم تكون ثقيله غير عن الشغل اليومي الروتيني:
مثلا امس حطيت مهمه مسح رف المخزن واعاده ترتيب الاغراض<<<فقط
اول كنت ارتب المخزن كله واهمل البيت واتكركب :(
يوم سويت هالطريه مااخذت مني وقت ...كل يوم شغله وحده خفيفه
هذه الطريقه سويتها امس بس ...ويارب استمر واخذتها من البنات هنا فيا لمنتدى جزاهم الله خير ...قلت افيدكم

وياليت اللي عندها طرق تفيدنا:)