متى يتغير الحال :

أنا كنت مهمله وكسلانه إلين مابعث لي الله جاره قمه بالترتيب والنظافه وطبخها زاكي وصرت اقلدها الين اتعدلت امور كثيره في حياتي في شغلات قدرت اني اطبقها وشغلات حاولت بس ماقدرت من الشغلات اللي تعلمتها منها اهتمامي بدراسة ابنائي وتفوقهم تعويدهم على الصلاه من صف اول ابتدائي اول مايجو من المدرسه ينزلو ملابسهم ويحطوها بالسله يتغدو ويحلو واجباتهم على طول بالصيف يتعشو بعدصلاة المغرب على طول وينامو الساعه 7ونص وبالشتاء الساعه 9 والشغلات اللي ماقدرت اني اطبقها تنام الساعه 12 وتصحى على صلاة الفجر اذا نوت تسير تجهز عيالها الخمسه قبل صلاة العصر تصلي وتطلع على طول اذا نوو يسافرو بعد صلاة الفجر يتحركو ماتخلي لا عزومه ولا مناسبه ولا فرح يفوتها لو تسافر لها ماتجلس ببيتها ولا نهار واحد تزور اخوانها واخوتها باستمرار وهم نادرا مايجوها تخلي عيالها في البيت اذا راحت للسوق حتى الرضيعه والاغرب انها عودتهم على هالعاده قبل مايدخلو المدرسه ماتخاف عليهم ابدا وفي المقابل مايصير لهم شي بيتها دايما نظيف وهي مرتبه وكشخه ولو حصل انها مسافره وجت على المغرب وعرفت ان في مناسبه على طول تلبس وتحضرها تصوم الايام البيض ومحافظه على صلاتها وماتزعل من اي احد بس اذا حقدت ياشينها تغير كل سنه حاجه في بيتها علمت بنتها وهي بصف اول كيف تصلح الشاي والقهوه وتغسل المواعين وتطبخ في قدر الضغط كان زوجها" دب"وظلت وراه تشجعه على المشي اليومي وتسوي له شاي اخضر وخلال سنه الكل يسأل كيف نحف شاريه لها جهاز رياضي من زواجها وتستخدمه بشكل يومي تقريبا من 15سنه ماتتكلم قدام أطفالها بأي موضوع علشان مايطلعو الاسرار تاكل شوي شوي وماتتكلم على الاكل الا للضروره عودت اطفالها على الصيام من ثاني ابتدائي معودتهم على ترتيب سرايرهم حتى اللي عمرها 3 سنوات ترتب سريرها ومن عمر 3 سنوات يستحمو لوحدهم وحتى اللي عمرها سنه هم يحمموها اذا طلعو كلهم من البيت تقفل كل الشبابيك والابواب والانوار والبيت مرتب ونظيف مافي شي مرمي هذا اللي اتذكره الان واحس اني ناسيه كثير أمانه بنات اللي استفادت من ردي تدعي اني الله يبعد عني الهم ويسخر لي زوجي ولها بالمثل

أنا كنت مهمله وكسلانه إلين مابعث لي الله جاره قمه بالترتيب والنظافه وطبخها زاكي وصرت اقلدها الين...