روعة الموضوع جزاكم الله خير

بالنسبة لي


التخطيط و الاستعداد لأي مناسبة او ظرف

مثلا

التخطيط للتسوق بإعداد لسته بالاحتياجات و الميزانية

أقلل من نزلة السوق و السوبر ماركت لانها تاخذ كثير من الوقت و الجهد

اشتري لوازم البيت و اللوازم الشخصية بالكميات و أرتبها و ارتاح تكفيني شهور و انزل بس اشتري لوازم المطبخ لأسبوع كل مرة يصير التسوق سريع و خفيف و اسهل حتى لرجعت البيت في الترتيب

استبدلت طرق الطبخ و الأكل غير الصحية بطرق صحية


الحمد لله قانعة بالي عندي و أرجو الخير للكل و أتجنب تجنب تااااام إني أحرج حد حتى لو جاتني فرصة إني أحرج الي يحرجني و ياكثرهم بالمقابل لاحظت انهم هم الي يطلعون بمنظر مو حلو في الاخر

موضوع راااااائع بمعنى الكلمة
ربي يجزاك خير ويسعدك ياصاحبة الموضوع
اتمنى مايوقف ابد ابد
الله ينفعني وينفع جميع اخواتي بما فيه ،،آمين

بقول اللي اتذكر ،، واذا تذكرت شي رجعت بعدين
انا اذا رحت لاجتماع في استراحة او بيت اول ما ادخل اقول
في نفسي اللهم اني استودعك نفس وزوجي وذريتي والحمدلله ارتاح نفسيا
الفرشة والمعجون مستحييييل اخليهن ولا ليلة عند النوم
الفريزر مستحيل اخليه يفضي من البصل المقطع من اجل ما انزنق بالوقت الضيق
اشغل سورة البقرة الشريم بمسجل اللي يقلب يعني ماتوقف ابدا
احيانا اشغل اناشيد مبهجة بدون ايقاع بس قليل اسوي كذا
البيت اذا مسحت السيراميك احط ملح مقري فيه واخلطه بالمويه همن امسح
البيت يكون جميييل وهادي
اولادي عودتهم يتأسفو من بعض اذا اخطأو
عودتهم يستاذنو لما ياخذو حاجات من اخوانهم
اشغالي من غسيل واواني وسيراميك وكنس ازينها بسرررعة قبل
يجون اولادي من برا ،، من اجل مايشوفوني مكروفه بعدين يقولو جيبي شغالة:):)
اذا اجتمعنا انا وخواتي مايتكلمو باحد عندي يعرفون اني ما احب ولله الحمد
اقلل من الكلام بالاجتماعات،،اخاف اندم على شي،،ولاني احب الهدوء
دولاب الصالة حاطة فيه قسم خاص فيني احط فيه الكتب المحبوبة عندي

بخاخ الموية اللي انظف فيه الاثاث حاطه معه شوية عطر
من اجل انتعش وانا اشتغل ،،
احب ازين شغلي اول بأول
السور حاطه فيه مكنسة خاصة من اجل اكنسه اول باول
وخصوصا اللي عند المدخل

ابدأ يومي بركعتين اقرأ فيها من القرآن
والله لو تجربون كان ماتخلوها ابدا

ترتيب غرفة النوم قبل اغسل وجهي من اجل استعجل في الترتيب ومن اجل
ماانسى ،،
اغسل وجهي وامعجن اسناني
اصلي ركعتين
ابدأ باشغالي