http://forum.hawaaworld.com/showthread.php?t=1304742
247505
247506
البسبوسة
يا بناتى الاحباء البسبوسة قتلت بحثا وكل واحدة عندها وصفة حلوة و مجرباها و مريحاها، اخذها اجربها تفشل" رغيف طوب عايم فى مية" و انا عن نفسى و اعوذ بالله من كلمة انا بيقولوا علية شاطرة فى الحلويات الغربية و لكن كل عقدتى و لا مؤاخذة فى الحلويات الشرقية من سنين اجرب و اجرب و الرد واحد "الفشل" مثل القبطان عزوز فاخذت على عاتقى و قلت لازم اجرب و اتمرن و اسخن كويس علشان مسابقة رمضان بين العيلة و ما كذبتش خبر اتعلمت حاجات كتير موثوقة و مجربة و تفصيلية لن ابخل عليكم بها و جربوا و ادعووووليييييييييي
البسبوسة على اصولها من الحلوانى
المقادير :
500 ج سميد خشن سايب
- 100 سمنة سايحة
- 25 ج جوزهند
- 300 ج سكر
- 250 ج لبن حليب
- 100جرام شراب ثقيلاو جلوكوز (كورن سيرب)
شراب خفيف لنسقى بيه البسبوسة عليه ذرة فانيليا حسب الرغبة
الطريقة:
نضع فى طبق غويط السميد وجوزالهند مع بعض
فى طبق تانى نضع السمن السايح والسكر واللبن الحليب والشراب التقيل ونذوبهم مع
بعض كويس ثم نضعهم على الطبق التانى اللى فية السميد. نخلطهم باليد بالراحة
جدا مرتين تقليب خفيف حتى تظل مرملة يعنى مش سوفت او مش ناعمه قوى .
ندهن الصينية بالزبدة كويس ثم نضع فيها ورقة زبدة و ندهنها ايضا بالزبدة ثم
نصب الخليط ونفرده كويس و نشرح البسبوسة من اعلى مربعات و نجملها باللوز او البندق
النىء او ممكن تجميلها باللوز المحمص بعد السواء تماما ثم ندخله الفرن لمدة نصف
ساعة على درجة حرارة 175 على الرف الاوسط حتى يحمر الوجه و يمكن نوطى
عليها لو الفرن حامى حتى لا تلسع
اول ما تستوى اطفئ الفرن و اسقيها بالشربات الخفيف الساخن تدريجى شوى
شوى و هى ساخنة جدا و ارجعها الفرن المطفى و اقفل الباب حتى تتشرب داخل
صهد الفرن و ازيدالشيرة تدريجى حتى ترتوى تماما سنسمع صوت الفوران و هى
تشرب الشيرة ثم تقدم ساخنة ممكن مع القشدة و بالهناء و الشفاء
الشراب الثقيل الموجود فى المقادير:
2 كيلوسكر على كيلو ماء وتعصرى ليمونة بعد ما الماء يغلى
الشراب الخفيف اللى حنسقى بيه البسبوسة:
سكر على كيلو ماء وتعصرى ليمونة بعد ما الماء يغلى
ملحوظة : كلمة عسل هى شراب هى شيرة
الكلمة الطيبة صدقة فلا تبخلوا على بالتعليق و التجربة :42:
يا بنات لا تمرُن كالهواء و لكن اتركن تعليق يظل شذى عطره كالمسك الفواح و شكراا :26:
