اعطوني ارائكم ياحكيماات..فاض بي الصبر

السلام عليكم ورحمة الله وبركاته

مساااء/صباااح...الخيييرات

راح ادخل ف الموضوع ع طول

مشكلتي زووجي اللي مو راضي يتعدل
ويعدل اسلوبه ونمط حياته معي

اولا اعرفكم عن نفسي انا عمري 23 سنه
تزوجت و
عمري 19

ماعندي اطفاال

زوجي اكبر من ب10 سنوات
يعني داخل ع ال34

بس من بدايات زواجي وانا احس اني مع شخص عمره 70 سنه
نظره للحياة سوداء
كئيب
تفكيره كبير جداا
لدرجه اشعر بأختناق عند مناقشته امر معين
كثير جالسه الوم نفسي اني تزوجته..بس قدر الله وماشاء فعل
كتووم
نااقد ع ابسط الاشياء
كل شيء يخصني عيب وحرام
وكل شيء لبنات الناس حلال ومن حقهم
اتعبني موخرا بمزاجه المتقلب
يخرج بحال ويدخل بحال اخر
يسمع كثيرا ل امه في مايخص حياتنا
اي شيء يحدث عندنا يخبرها
لدرجه اكتشفت ان عندي غده درقيه وهي مسببه لمنع الحمل
ف طلبته ان لا يخبر احد وحلف لي بذالك


فجأه وجدت امه تقول لي اتبعي هذه الوصفه ممتازه للحمل والغده

وانا من النوع اللي مهما
قالت امه او مهما صرف عليها ماديا وقصر علي استحاله ان انطق بربع كلمه
لانها ام وانا ما ارضى اي اذى او جرح لامي
ف والله يشهد اني ما ارضى عليها حتى لو اخطآت بحقي
اصبر واحتسب واجري على الله...

انا مهتمه جدا ببيتي ونفسي وبحكم اني ماعندي وظيفه وعيال
فكل وقتي في بيتي

هو جدا جدا يتتبع ورى شغلي ويشوف شلون اشتغل
على باله ما ادري بس واجهته وقلت انا مو خدامه تتابعها في اشغالها
واذا انت نظيف لهدرجه لم ملابسك من بعدك وشيل كل شيء لمكانه
او نزل الزباله ع طوول لا تأجلها 3 ايام جالسه ف الحوش

بس مافيه فاايده دائما ينتقد شغلي ويقول انتي مو نظيفه
والله اللي خلقني ان كل من جاني انه ينبهر من نظافتي وتلميعي لبيتي
وريحته

بس هو مو عاجبه العجب
يعني مثلا لو كنت اذاكر او اكتب محاضراتي
وشاف ورقه وحده جنبي يقول شيلي الزباله اللي جنبك
ويقلب خلقته...

يطلب مني امسح الجدران واللمبات يوميااا يانااااس
اتعب نفسيتي وكل يوم واحنا في هواش

الله يكرمكم يبغى امسح الحمامات بفوطه بعد الغسل
شيء مو معقول ...

انا متأكده ان فكرته المرأه خدامه مو زوجه
ما انكر ان فيه صفات كويسه بس انا مو مرتاحه بحياتي معااه
صارت حياتي قيلون وقرحه
ماحسيت اني مستمتعه بحياتي
انا حلوه ومتعلمه وكل شيء فيني تمام الحمد لله
ليش حظي كذا نكد في نكد

لامصروف زي الخلق
ولا اسلوب
ولا تعامل
ولا ... ولا ..


قبل سنه تقريبا نقلنا بيت اخوه لانه سافر مبتعث هو وزوجته
وتخيلووا رفض يغير الموكيت اللي حتى الجن مايجلسون عليه
ليه؟؟؟
لان امه قالت انتبه مرتك تضيع فلوسك...
وصبرت سنتين
وفي النهايه بعت ذهبي وفرشت وقال ترى دين قلت طيب
وليومكم ماشفت شيء حتى لو كان يعتبرني شغاله
على الاقل وين الراتب؟؟
مصروف 500 وهو مقتدر مادياا
وياما اتعبت نفسي بالهواش ع ذا المصروف
لا وفي النهايه يخلص راتبه ويستلف مصروفي

تعرفون فكرة اني رجال ولازم امشي كلامي عليها
وحتى لو مشت على كلامي لازم اسوي مشكله

تعبت معه....خاولت اعدل اشياء كثيره بس ماقدرت
حاسه قاعده ادفن نفسي ب حياه سيئه

ياااازين حياتي عند اهلي..
كنت في جنه مايعلم بها الا ربي

وشوي شوي بدأت حياتي لاتطاااق

افكر بالانفصال...ماراح اضيع عمري وشبابي في حياة
مو مرتاحه فيها..

اعطوني مشورااتكم لاهنتم