السلام عليكم
عارفه انو صعب تصدقوا بس والله دا اللي حصل انا وحده دورتي مو منتظمه يعني ممكن اقعد 3-4 شهور بعدين تجي عندي بنت وولدين يعني مو بكريه واخر ولد عمره 10سنوات المهم
انا دحين حامل من فضل الله وعرفت اني حامل شهر 3 عربي (ربيع الاول) وبما اني في منطقه نائيه مافيها غير مركز صحي متواضع الامكانيات حسبتلي دكتورتهم اني في الرابع واول ما جات الاجازه جيت جري عند اهلي وراجعت في المدينه الطبيه حقت الحرس لاني تبعهم الدكتوره قالت اني في الاسبوع الاخير من السابع؟؟؟؟؟؟؟؟؟؟؟وبعد التصوير قالت فنية الاشعه الصوتيه ابدا انت في الاسبوع الاول من الخامس؟؟؟؟؟؟؟؟؟؟؟؟؟؟؟؟؟وبحسابات المركز الصحي اللي راجعت عندو اول شي انا في الاسبوع الاول من السادس ؟؟؟؟؟؟؟؟؟؟؟؟؟؟؟واظن هاذا اقرب شي للواقع
احترت ماني عارفه مين الصح ولازم اعرف لاني مو ساكنه في جده واهلى فيها ومرتبطه بدوامي ودوام اولادي يعني لازم اعمل حسابي من بدري عشان ارتب وضعي للسفر وكدا
عارفه طولتها عليكم بس عن جد حايسه وماني عارفه اش اسوي قلت افضفضلكم شويه لعلي اجد حلا
واسفه مرة ثانيه على الاطاله
يلزم عليك تسجيل الدخول أولًا لكتابة تعليق.
الصفحة الأخيرة
ربي يسهل علينا وعليك