أم ريما حطيتي يدك على جرحي.. أنا أول سنه من زواجي ماخليت مطعم ولا سوق ولا كورنيش إلا ووطيته لكن السنتين هاذي أنا في الغربه وإثنينا ندرس فنادر نطلع.. وأنا مثلك سافرت مع هلي حول العالم لكن من تزوجت ماظبطت ظروفنا مع إني موظفه ورواتبنا حلوه بس تجي لنا ظروف ونبطل.. لكن عاهدت نفسي بإذن الله إن إذا رجعت إنشاء الله أفلها مثل أول وأحسن .. الحريم من حولي لا وظايف وأزواجهم رواتبهم نصف راتبنا أنا وزوجي وكل سنه مصيفين في مكان.. وأنا ما مسكني إلا هالدراسه الله يعديها على خير
الله يعينك ويعيني

كيف يعيش الإنسان ياجماعه بدون مايشوف اللي حوله كيف عايشين ويعيش مثلهم كيف ما تقارن نفسها بغيرها؟
واحنا من انولدنا ونحنا نشوف اللي حولنا ونقارن ونقلد ألحين في هالمسألة الوحيدة تطلبون منا نغض النظر عن الغير وترا باقي الأشياء رمزية ومادية والواحد ممكن الواحد يصبر بدونها إلا الحياة الزوجية الكريمة والعشرة الطيبة في هذا الواحد ما يقدر يعدي أو يغض النظر لأن اللي بيعدي أيام عمرج ومستقبلج ومستقبل عيالج !! إذا انتي صبرتي العيال شو ذنبهم؟

مسألة الطلعه هذي هينه وتهون لو كان الزوج ما يطلع لازق وياج في البيت لكن لو هو طول النهار دوارة وانتي بروحج بين أربع يدران لا طبعاً ما يحق له لازم يعوضج عن الحبس الإنفرادي بأي طريقة انتي تحبينها هذا رايي أنا ولا تسكتيله ألحين مادامكم توكم .... بس بعد لا تسوينله مشاكل اختاري الأوقات اللي يكون فيها رايق وفرحان ....

الله يسخر لك زوجك قولي امين

اختي الي متعبك ومخليك بالحاله هذي هي مقارنة نفسك بغيرك...
اصاابع يدك مو وحده والرجااال طباعهم مختلفه...وزوجك طبعه بيتتوتي يحب البيت ومايحب الطلعاات بس انت حاااولي انك تطلبين منه بهدوء وبدون ماتقولين له كنت متعوده وكنت متعوده وشف فلانه وشف علانه...
عيوني شوفي مصاايب غيرك تهون مصيبتك..
احمدي ربك زوجك يقدرك ويحترمك وهذا بنظري هو اساااس الحياة الزوجيه..
الله يخليكم لبعض ويرزقكم الذريه الصاالحه....

زارا ولارا
الله يعينك ويعدي دراستك على خير وتنجحين وتصيرين الاولى وترجعين زي اول مع زوجك
ام ميثا
هلا حبيبتي اكيد انتي حاسه فيني لان لو ما اشوف ناس ابنجن سرت اسولف لحالي
والمشكله ان اهلي في مكان وانا في مكان ياليتهم قريبين يزوروني
دادونيا
الله يسلمك حبيبتي مشكوره
مستغنيه
حياك وهلا فيك ومشكوره اختي على النصايح