اعطوني رايكم بالخطبة

احسه شي مرا عادي ويمكن هي اللي طلبت هالطلب اذا راتب شهري ع قولتها الف او الفين هذا الكلام من زمان اسمعه بين البنات

السلام عليكم 😊
اول شيء لا عادي كلام اخوها ما فيه شيء من حقهم يعرفون

ثاني شيء لازم من الحين تقولون حقهم الولد مب عاجبه وظيفه الاختلاط علشان كل شيء يكون واضح لهم

ثالث شيء لا تنسحبون لانه مثل ما قلت كلام اهلها ما فيه اي شيء 🌹

سؤاله عادي.. انتم مكبرينها شويتين🏃🏻‍♀️💔💔

يعني اخوك مايبي وظيفه اختلاط
وعارف انها تشتغل بشركه ليش ماسال قبل الشوفه
او شرط وقت الخطبه
خليه يسالهم الان ويعرف وين مكانها واي وظيفه واي شركه

واخوك راح يخطب وحدة مايدري هي موظفة بأي شركة
وهل هي فيها اختلاط او لا
مع ان المفروض عارف ان كل وظايف الشركات الحين مختلطة
هالشي المفروض ينعرف من قبل وعليها اخوك يقرر
لو مايبغى وحدة بمكان مختلط مايتقدم لها
والواضح هم في بالهم يدرو انكم عارفين
وسؤال اخوها مريب
وش تخصصلها راتب شهري
هو بيتزوجها ولا بيوظفها عنده
الاكيد بيصرف عليها وامكن يعطيها شهريا فلوس
لكن اسمه مصروف مو راتب
لكن اتوقع اهل البنت معتمدين على راتب البنت
ولا طمعانين وبيعرفو لافصلت من وظيفتها
بيعطيها زوجها مصروف وهي تعطيهم منه ولا لا
عالعموم اخوك توهه عالبر
ولايقدم على اي ارتباط رسمي الا بعد مايعرف راسه من كرياسه
مايبغى موظفة بمكان مختلط من البداية يقرر هالشي
ويتكلم مع اهلها
انا ماكنت ادري انها موظفة بمكان مختلط وانا ماابغى زوجتي تشتغل
لو حابين نكمل مع بعض تترك عملها
ولو مو موافقبن كل واحد يروح بحال سبيله
ولو وافقت عالاستقالة وكلموك عالمصروف
قولهم اكيد باصرف عليها
لكن هذا شي نقرره انا وياها
مو نناقشه بمجلس الوزراء والكل يدري عنه