اعطوني رايكم بنظامي بالشهر الكريم

السلام عليكم وينعاد عليكم الشهر بالخير والعافية والنحف للي بدها تنحف والسمنة للي بدها تسمن :42:

المهم انا عالعادة ومتل كل البنات الدبدوبات بدنا نحاول ننحف برمضان بدل ما تزيد اوزانا بهالشهر

انا صارلي اكتر من 5 شهور بحاول انزل وزني وكلما نزلت 5-7 كيلو بيطلعلي امور بتخليني ارجع ازيد ووزني معلق عال 95 ومش حابب ينزل وانا غصب عنه بدي انزله


فقلت بنفسي ليش ما بعمل نظامي الخاص واشوف راي الحبوبات بالمنتدى الحلو واستشيرهم

الفطور حبة تمر وكوب لبن عيران يعني لبن مع ماي مع 2كوب ماي

الصلاة وبعدها شي ربع ساعة رياضة للبطن والخصر وبعدها كوب ماي

الافطار بيكون شوربة اما عدس او شوربة خضار مع دجاج وصحن فتوش مع ربع خبزة اسمر محمصة

وطبعا ما انسى شرب الماي

وبعدها بقوم اشوف اشغال ما بعد الافطار جلي وترتيب وو بيكون مضى عالاكل شي ساعتين او ساعتين ونص برجع باكل فواكه 3 حبات يعني حبة دراق وحبة خوخ وتفاحة او مورزة او صحن بطيخ او شمام وبيكون هذا اخر شي

السحور صحن قتوش وكوب انانس وكيوي

ولحد وقت السحور بكون شربت 3ليتر ماي

وطبعا المشي حوالي نص ساعة بالبداية واذا كان في وقت اعمل ربع ساعة اوربتراك كبداية

شو يا حلوات شو رايكم بهالنظام معقول انحف عليه حوالي 15 كيلو بهالشهر

طبعا في يوم واحد مفتوح بالاسبوع باكل اي شي نفسي فيه

وهل ممكن اضيف على حسب خبراتكن حبة او قطعة حلى باليوم وبدل اي شي اكلها

وهل ممكن اني اشرب خلطة الكمون والليمون مرتين باليوم

بليز الله ينولكم اللي ببالكم بهالشهر الكريم لا تبخلوا علي بردودكم والله ينحفنا على خير :(