اعطوني رايكم ونبهوني اذا كنت على غلط

السلام عليكم

انا عندي حالة في البيت ومتضايقة منها بالمرة

اخوي متزوج تقريبا من سنة وعنده بنت وزوجته عندنا بالبيت واخوي هو العائل لنا وامي تشاركه براتب التقاعد اللي عندها بس صعب عليها تصرف علينا بدون اخوي لانه مهما كان الراتب ماينفع مصاريف وايجار واخوي نفسه ماعنده رغبة بالانفصال عن امي (يمكن لانه حديث بالزواج).....احنا نحبها كثير واعتبرناها خلاص كأخت لنا قبل ماتكون زوجة اخو

انا بعيدة عنهم حاليا .......بيتنا طابقين واخواتي البنات عاملات بس يادوووبك يتحملون مصاريف انفسهم لانه رواتبهم ضعيفة ومطلقات وعندهم عيال .....ولازم يشتغلو عشان يصرفون على عيالهم ...بصراحة انا اشوفهم دايما مشغولين بعيالهم واحس ان ماعندهم وقت فراغ لاشياء ثانية فصعب ينضغط عليهم بشئ

المشكلة امي مريضة ومن النوع اللي تفكر كثير وبصراحة مالنا في الدنيا غيرها ولو صارلها شئ انا بنتهي من وراها فعشان كذا متضايقة

زوجة اخوي تدرس حاليا وبنتهم عمرها تقريبا اربعة شهور والخدامة خلاص راحت بسبب مشاكلها الكبيرة وامي تعقدت منهم .....فاخواتي البنات اقترحو على زوجة اخوي انها تصبر على الدراسة شوية على الاقل البنت تكمل سنة لانها بنت صغيرة وامورة موت بس عنيدة ومحتاجة عناية كبيرة وامي صعب عليها تلف فيها البيت والبنت متعودة ترضع فتصرخ وتسوي بلاوي في لحظة غياب امها ...... اخوي وزوجته عادي عندهم وماعرف ليش ما انتبهو على انها بنت صغيرة وامي حرمة كبيرة (مع العلم ان اخوي رافض ان زوجته تشتغل ومن النوع اللي يساعد اهلها بعض الاحيان بس هو اللي اقترح عليها الدراسة فاخواتي كانو يقصدون انها تدرس على راحتها العمر قدامها بس تجلس مؤقتا عشان البنت وهي ماعندها التزامات من اي نوع يعني لا طبخ لاتنطيف ولا اي شئ ) .....ولما اخوي اقترح على اخوي المتزوج الاقتراح زعل وقاله مايخصك.....كلمت امي من يوم واسمع البنت تصرخ وامها مو موجودة ولاحظت امي متبهدلة وهي تكلمني فزعلت عليها وتقولي ماعندي وقت نظفت غرفتين والبنت تصرخ وماطبخت الغدا

المشكلة محد يساعد امي في البيت ابدا ومافي شغالة وبيتنا كبير وغير بنت اخوي

استغرب من اخوي لانه يخاف على زوجته بطريقة غير طبيعية والغريب ان احنا نحترم زوجته كثييييييييير والله العظيم مستحيل نطلب منها شئ احتراما لوجودها واحنا نشعر بانها غير ملزمة بها الشئ.......... فلما زوجتة كانت ترجع من دراستها تنام فامي تقول قدامنا وقدام اخوي اعطي البنت لامها عشان ترضعها وتنام جنبها شوية لانها افتقدتها فاخوي يقول لالا هي تعبانة وياخذ البنت خمس دقايق ويرميها علينا واحنا نموووت عليها طبعا بس انا انتقد التصرف نفسه ولما امي تقول لزوجته سبحي البنت او شئ الاحظ انه يتضايق (مع العلم ان امي بس تكلمها على بنتها وبعض الاحيان عشان تربط البنت بامها ومستحيل تطلب منها شئ تسويه في البيت )..........احنا مانبغاها تتعب ولا اي شئ بس على الاقل تجلس مع بنتها لحد اليوم اللي تعودها فيها تخف فيه عن الرضاعة وعلى الاقل كل واحد فيهم يرتب غرفته


غير ها الشئ لاحظت موقف غريب ولكن بصراحة ماعرف اذا هو عادي او انا حساسة زيادة

لاحظت انه يحط زوجته تجلس قدام وامي ورا وكانت جالسة جنب فوضتنا وفوضة الاطفال ومن غير عزومة على انها تجلس قدام او شئ.....في البداية قلت يمكن لانها كانت حامل بس هي الحين ولدت و صحتها ممتازة فمن يومين اتصل بامي واسالها عن احوال البنت الصغيرة ف امي قالتلي الطفلة مع امها قدام وجالسة تشوفها وتضحك وامي ورا وكانو اللي طالعين امي واخوي وزوجته وبنته بس (ما اعتقد انهم عزمو عليها لاني شفت ها الموقف كذا مرة )

فتشوفون الموقف عادي ولا انا كبرته


ادري اني لخبطتكم بس انا بنفسي ملخبطة

طيب اعطوني حل لانها امي وانا اتضايق اذا شفتها تعبانة