اعطوني طريقة تلميع السراميك

و عليكم السلام ورحمة الله و بركاته انا استعمل صابون سائل خاص بالسيراميك اسمه كيوي كثير حلو
لكن الي فعلا فعلا يخلي السيراميك يلمع غسله بصابون المواعين السائل و خاصة لوكس رهيييب

ان شاءالله اجرب

الله يسعدك ويحقق لك كل امنياتك ياااااارب

مرحبا..
الصراحة كنت اعاني مثلك وكانت اثار الصابون والمسح او اثار رجولنا تبان ع الارض واللون ملبخ وجربت كثير لقيت انه العيب مو في الصابون المستخدم بل في الطريقة والكيفية اللي ننظف فيها السيراميك ...
لين جربت هالطريقة والنتيجة رائعة ماشاء الله والسيراميك كانه مراية ونظيف ومن اللمعة تسمعين صوت اقدامك في المشي ...


المهم الطريقة هي انك تعبين في علبة فاضية زي علبة ديتول او كلوركس فاضية وتحطين فيها نقطة يعني غطا صغير تعبينه صابون اي شى تبغين كلوركس ديتول صابون سائل كمفورت.. منظف زجاج...العملاق والباقي تعبينه موية ترجين العلبة كويس
الخطوة الثانية تحطين في السطل او الجردل موية مع شوي خل اابيض وبيكربونات صديوم او خل وملح ليمون او خل لحاله بس..
وتحضرين معاك على جنب فنيلة قطن او قطعة ملابس قديمة اهم شي تكون قطن ..
ويلا نبدا التنظيف ...بسم الله
رشي شوية من العلبة الي عبيتيها بشكل عشوائي في الارضية يعني شوي مو نغرق المكان ..بعدين بممسحة السيراميك وبشكل دائري نظفي المكان ..
بعدين حطي الممسحة في السطل الي فيه خل وموية رح تنزلك كل الوسخ الي علق معاك اثناء التنظيف واعصريها كويس تكون شوي مبلولة الممسحة وارجعي عيدي على المكان الي غسلتيه اول مرة ..وهذه الخطوة عشان نشطف بعد مانظفنا اول مرة
ثالث خطوة التنشيف وهي اهم خطوة براءي وتلمع لك البلاط امسكي الفنيلة القطن ونشفي عدل المكان كله قبل ماتنشف الموية وتترك اثر في البلاط ...
وخلصي جزء جزء يعني لو عندك الصالة واسياب بتمسحينها خلصي الصالة في الاول وبعدين انتقلي للمكان الاخر ..


هذه المهمة تاخذ منك عشرين دقيقة
وخليها مرة وحدة بالاسبوع ..
بقية الايام لو اتبقع شي ا امسحيه بمنديل او شي وبعدين جيبي منظف زجاج ورشي ع الارض ونشفي بالقطعة القطن ...


جربيها وقوليلي اش صار معك ان شاء الله تنحل مشكلتك..

حبيبة قلبى انا كنت اجرب وصفات كتير بس الموضوع مو محتاج وصفات و تجارب
بس تروحين حدائق الخير او جنان القصيم او تفاحة اليرموك
تلاقى فى قسم المنظفات yuppy ترى منظفات صنع فى تركيا مرة ممتازة
و خاصة منظف السيراميك اسبرين مرة ممتاز بس تحطين كمية صغيرة منه على السيراميك
و تتركينه ثوانى و بعدين تفركين السيراميك بالفرشاه الخشنة
لتشوفين نتيجة مرة ممتازة
و انصحك تنضفين السيراميك كل نهاية اسبوع خاصة المطبخ لحتى ما تتركم الدهون و تنزعجين من شكله

احسن حل لغسيل السيراميك طريقتي انا وامي مره بالاسبوع او الاسبوعين نكب طشت مليان ماءوشوية صابون ثم نبداء نفرك بالمكنسه اليدوية كل السيراميك وبعدين اجيب بالطشت مويه واكبه مرتين ثم امسح بمساحة المطبخ تعالي شوفي اللمعان رووووعه وبعده اذا توسخ اي بقعه نمسحها بمنشفه خاصة للسراميك ونبخر بعدها الرطوبه تمسك ريحة البخور نسكر البيبان والدرايش ساعه او ساعتين ثم نفتحها يتهوى البيت